Монголын Төр хэдэн хүүхэддээ 100, 100 мянган төгрөг өгөх гэж үйлээ үзэж, "нус"-аа хацартаа нааж байна. Нийт хүүхдийн 91 хувьд нь дээрх 100 мянган төгрөгийг олгож, "БАЯН"-д тооцох 9 хувийг нь хасахаар болсон. Баян ч гэж дээ...
Тухайн гэр бүл автомашинтай, орон сууцтай бол "баян" гээд хасчихсан. Эцэг, эхчүүд "Хүүхэд минь хасагдсан болов уу, яасан бол" гэж "И-Монголиа"-гаар эргэлдсэн. Зарим айл огт хүүхэдгүй болсон бол нөгөө хэсэг нь гэнэт "Алдарт эцэг, эх" болов. Жишээлбэл, ЦХХХ-ны сайд Н.Учрал "Би хүртэл 7 хүүхэдтэй болчихлоо" хэмээн Засгийн газрын индер дээрээс хэлсэн байдаг.
Хүүхдийн мөнгөний "балаг" ингээд дууссангүй. Монголчууд байдгаа тавьж, туудаг сар шинийн баяр хаяанд ирээд байна. Үүнтэй холбоотойгоор энэ оны 2, 3-р сарын хүүхдийн мөнгийг нийлүүлж, баярын өмнө олгохоор Засгийн газар шийдвэрлэсэн билээ. Гэвч ингэсэнгүй.
Өчигдөр /2023.02.16/ банкуудаар хүүхдийн мөнгө болон бусад халамж, тэтгэмж олгож эхлэв. Гэтэл өнөөх хүүхдийн мөнгөний зөвхөн 2-р сарын мөнгө л орж ирсэнийг иргэд шүүмжилж бас гайхаж байна. ХХҮЕГ-аас хэлэхдээ "2,3-р сарын хүүхдийн мөнгийг хамт олгох чиглэл ирээгүй. Тийм санхүүжилт ч байхгүй" хэмээв.
Монголын Төр хэдэн хүүхэддээ мөнгө өгөх гэж "ГОЛ НЬ ЦОХИЛООД" байна уу, аль эсвэл...
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
