Энэ өвөл улсын хэмжээнд нийт газар нутгийн 70 гаруй хувьд цасан бүрхүүл тогтож олон аймаг сумдад өвөлжилт хүндэрсэн. Зудын эрсдэлийн дүгнэлтээс үзвэл нийт газар нутгийн 60 хувь нь их, 30 хувь нь дунд, 10 хувь нь бага эрсдэлтэй гэж гарчээ. Өнөөдрийн байдлаар Архангай, Баян-Өлгий, Баянхонгор, Говь-Алтай, Завхан, Өвөрхангай, Увс, Ховд гэсэн 13 аймгийн 160 суманд зудын эрсдэл их байна. Энэ жил өвөлжилтөд зориулж Улсын нөөцөөс нийтдээ 11 аймагт 1.171 тонн өвс, 8.024 тонн тэжээлийг 50 хувийн хөнгөлөлттэй үнээр олгохоор бэлтгэсэн.
Тэгвэл Архангай аймгийн Засаг дарга Б.Цэрэннадмид өвөлжилтийн нөхцөл байдал хүндэрч байгаа энэ үед шуурхай арга хэмжээ авч, хямдралтай үнээр 80тн тэжээлийг татан авах ажлыг зохион байгуулж байна.
Эхний ээлжийн 50тн тэжээл өнөөдөр аймагт буусан бол үлдэгдэл 30тн тэжээлийг тун удахгүй татан авахаар болжээ. Тэжээлийг зудын эрсдэл өндөртэй сумдад аймгийн Онцгой байдлын газар, ХХААГ хуваарилан олгоно. Мөн сумдын Засаг дарга нарыг нэгдсэн зохион байгуулалтад орж, малчдад хямдралтай үнээр өвс тэжээл нийлүүлэх ажлыг цаг алдалгүй зохион байгуулахыг чиглэл болголоо.
Like
7
Зөв
0
0
Буруу
0
Воов
0
Уйтгартай
3
Дуртай
© 2013-2023. Вэб сайт бүтээсэн: Tsast Solution LLC
