"Анд ноёд" компани "Смарт таун-1" орон сууцны төслийнхөө гэрээний үүргээ биелүүлэхгүй захиалагчдыг хохироож байна. Тодруулбал, Иргэд 2019 оны дөрөвдүгээр сард захиалга өгөхдөө төлбөрөө 100 хувь төлсөн ч Ж.Ариунболд захиралтай "Анд ноёд" компани орон сууцны талбайн метр квадратынхаа үнийг 800 мянган төгрөгөөр нэмж иргэдээс нэхэмжилсэн аж.
Иргэд төлбөрөө бүрэн төлсөн тухайн үед буюу 2020 оны зургаадугаар сард тус орон сууц ашиглалтад орох байжээ. Гэтэл одоог хүртэл иргэд байрандаа орж чадаагүй. Түрээсийн байраар амьдарч байна.
Өнгөрсөн оны төгсгөлд А блокны 128 руу айлын иргэд руу "Орон сууцны ам метр тутмынхаа үнийг 800,000 төгрөгөөр нэмэгдүүлэхээр болсон тул гурав хоногийн дотор хариу зөвшөөрсөн мэдэгдлээ өгөх хэрэгтэй. Өгөхгүй тохиолдолд гэрээг цуцалж, байруудыг борлуулалтад оруулна" гэж “ДАРАМТАЛСАН” байна.
Мөн иргэдийн орон сууцыг оршин суугчидад мэдэгдэхгүйгээр 3.5 тэрбум төгрөгөөр банкны барьцаанд тавьжээ.
Анд ноёд ХХК иргэдийн ингэж "хулхидах"-ын зэрэгцээ шүүх дээр хэд хэдэн хэргээр шүүгдэгдэж байна. Хан-Уул дүүргийн Иргэний хэргийн анхан шатны шүүхийн шүүх дээр Орон сууцны өмчлөгчөөр тогтоолгож, алданги 1 057 405 төгрөг, хохирол 4 000 000 төгрөг нийт 5 057 405 төгрөг гаргуулах, Орон сууцны өмчлөгчөөр тогтоолгож, алданги 19 438 650 төгрөг гаргуулах тухай, орон сууцны өмчлөгчөөр тогтоолгох алданги 48,315,000 төгрөг гаргуулах тухай зэрэг хэд хэдэн хэрэг шүүхийн шатанд явж байна.
Ж.Ариунболд нь Анд Ноёд ХХК-аас гадна "Анд ноёд проперти" үл хөдлөх эд хөрөнгө зуучлалын компани давхар эзэмшиж байна. 2019 онд байгуулагдсан Анд Ноёд ХХК барилгын салбар дахь шинэ цагийн “ЛУЙВАРЧИН” болсон гэж оршин суугч, иргэд мэдээлж байна.
Төр.мн сайт Ж.Ариунболд гэгч ХЭН БЭ? гэдгийг дараагийн хэсэгт хүргэх болно. Үргэлжлэл бий...
.JPG)
Like
0
Зөв
0
1
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
