Уур амьсгалын өөрчлөлтөд хөдөөгийн иргэдийн дасан зохицох чадамж болон эрсдэлийн менежментийг сайжруулах нь төслийн хүрээнд 2022-2023 онд хийгдэж байгаа мал аж ахуйн тогтвортой хөгжлийн бодлогын шинэчлэлийг боловсруулах зорилгоор хийгдсэн дараах зөвлөх үйлчилгээний явцын тайланг хэлэлцлээ.
Үүнд:
-Бэлчээрийн экосистемийн үйлчилгээний үнэ цэнэ
-Уур амьсгалын өөрчлөлтөд тэсвэртэй мал аж ахуйг хөгжүүлэх зорилгоор мал аж ахуйн салбарын бодлогын шинжилгээ
-Мал аж ахуйн салбарын уур амьсгалын өөрчлөлтөд дасан зохицох чадамжийг нэмэгдүүлэхэд шаардлагатай хууль эрх зүйн орчны болон бодлогын шинэчлэлийн асуудал
-Уур амьсгалын өөрчлөлтийн ирээдүйн чиг хандлагыг нийгмийн хөгжлийн төлөвлөлтөд харгалзан үзэх заавар боловсруулах
Хэлэлцүүлэгт Хүнс, хөдөө аж ахуй, хөнгөн үйлдвэрийн яамны төлөөллөөс гадна Байгаль орчин, аялал жуулчлалын яам, Усны газар, НҮБ-ын хөгжлийн хөтөлбөрийн газар, Ensure төслийн төлөөлөл оролцлоо. Хэлэлцүүлгийг нээж Хүнс, хөдөө аж ахуй, хөнгөн үйлдвэрийн яамны Хяналт, шинжилгээ-үнэлгээ дотоод аудитын газрын дарга бөгөөд Мал аж ахуйн бодлогын хэрэгжилтийг зохицуулах газрын даргын үүрэг гүйцэтгэгч Б.Санчирдорж хэлсэн үгэндээ төслийн хүрээнд хийгдсэн зөвлөх үйлчилгээний үр дүн нь мал аж ахуйн салбарын хууль эрх зүй, бодлогын орчныг боловсронгуй болгох, бэлчээр, усны нөөцийн экосистемийн үнэ цэнийг тооцоход онцгой хувь нэмэр оруулахыг онцлон дурдлаа.
АДАПТ төслийн хүрээнд хийгдэж байгаа зөвлөх үйлчилгээний дараагийн шатны тайланг дахин хэлэлцэж, үр дүнг сайжруулах, салбарын бодлоготой уялдуулах, хэлэлцүүлгийн явцад гарсан саналыг Хүнс, хөдөө аж ахуй, үйлдвэрийн яамны боловсруулж байгаа хөдөө аж ахуйн тухай хуулийн төсөл, Мал аж ахуйн хөгжлийг дэмжих хуулийн төслүүдэд боломжит хэлбэрээр тусган хамтран ажиллахаар тогтов.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
