"Хөгжлийн банкны гурав дахь сонсголд Ц.Элбэгдорж, Х.Баттулга нарын 210 хүнийг гэрчээр дуудна"

Админ

2023-03-06

УИХ-ын гишүүн Б.Энхбаяр, Э.Батшугар нар энэ сарын 13-17-нд болох "Хөгжлийн банкны нотлох баримтыг шинжлэн судлах сонсгол"-ын талаар мэдээлэл хийв.

Энэ үеэр Б.Энхбаяр "Хөгжлийн банкны асуудлаар гурав дахь удаагийн сонсгол болох гэж байна. Энэ удаагийн сонсголыг МҮОНРТ-ээр шууд дамжуулах бөгөөд Хөгжлийн банкны эх үүсвэртэй 2542 зээлийн асуудлыг ярина. Өөрөөр хэлбэл, 1.6 их наяд төгрөгийн зээлийн асуудал гэсэн үг юм.

2,542 зээлийн асуудлын тухайд:

Жижиг, дунд үйлдвэрийг дэмжих замаар ажлын байрыг нэмэгдүүлэхэд чиглэсэн 151,
Хөдөө аж ахуй, хөнгөн үйлдвэрийн ноос, ноолуур, сүү, хүлэмж болон оёдлын салбарын 168,
Арьс ширийг дотооддоо гүн боловсруулах болон түүгээр бэлэн бүтээгдэхүүн үйлдвэрлэх үндэсний үйлдвэрлэгч нарт хөнгөлөлттэй зээл олгох 57 ,
Экспортыг дэмжиж, импортыг орлох үйлдвэрлэлийн 888,
Жижиг, дунд үйлдвэрлэлийн 70 тэрбум төгрөгийг дамжуулан зээл олгосон 406,
Ноолуурын салбарт эргэлтийн хөрөнгийн зориулалттай олгох хөнгөлөлттэй 11,
Үйлдвэрлэлийн чиглэлийн экспортыг дэмжих 18,
"АСЕМ вилла" цогцолбор хотхон, Ази, Европын дээд түвшний 11 дүгээр уулзалтад оролцох төлөөлөгчдийг байршуулах зочид буудлын дамжуулан зээлдэх 15,
Мах боловсруулах үйлдвэрлэлийн 1,
Газар тариалангийн үйлдвэрлэлийг тогтворжуулах 93 төсөл зэрэг 2,542 зээлдэгчидтэй холбогдох төслийг хэлэлцэнэ.

Гурав дахь удаагийн сонсголд 210 хүнийг гэрчээр дуудна. Тухайлбал, Ерөнхийлөгч асан Ц.Элбэгдорж, Х.Баттулга, Сангийн сайд асан С.Баярцогт, Ч.Хүрэлбаатар, "MCS" группийн үүсгэн байгуулагч Ж.Оджаргал, "Таванбогд" группийн үүсгэн байгуулагч Ц.Баатарсайхан, "Буян" компанийн үүсгэн байгуулагч Б.Жаргалсайхан, УИХ-ын гишүүн асан Ж.Батзандан, Л.Эрдэнэчимэг, Н.Батбаяр болон түүний охин Б.Жаргалан, УИХ-ын гишүүн О.Цогтгэрэл, Ш.Адьшаа нарын 210 хүнийг гэрчээр дуудна" хэмээн онцлон мэдэгдлээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

"Хөгжлийн банкны гурав дахь сонсголд Ц.Элбэгдорж, Х.Баттулга нарын 210 хүнийг гэрчээр дуудна"

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд