Монгол Улсын иргэд ЭМД-ын шимтгэлд 2019 онд сард 3200, жилд 38400 төгрөг төлж байсан бол энэ хэмжээ өссөөр 2023 онд сард 5500, жилд 66000 төгрөгийн шимтгэл төлж байгаа юм.
Гэвч иргэд ингэж төлж байгаа шимтгэлийнхээ хариуд "тусламж, үйлчилгээ авч чадахгүй байна" гэсэн гомдол, шүүмжлэл тасардаггүй билээ. Үүгээр зогсохгүй, эрүүл мэндийн үйлчилгээ аваагүй байхад, "Таны авсан үйлчилгээнд даатгалаас ...... төгрөг төлөгджээ" гэх утга бүхий мессеж ирсэн тухай иргэд цахим орчинд бичиж байна.
Иргэд энэ тухай гомдлоо ЭМДЕГ-т гаргахад, "Эрүүл мэндийн байгууллагаас авч буй үйлчилгээ чанарын шаардлага хангаж буйг хянаж, үнэлэх үйл ажиллагааг хянах зорилгоор ийм мессеж илгээж байгаа" гэх тайлбарыг өгчээ. Жишээлбэл, иргэн Б.Цогтбаяр "Цусны шинжилгээ өгөөд, зөвлөгөө автал 556.000 мянга боллоо, арай үнэтэй юу?" хэмээх сэтгэгдэл үлдээжээ.
Ийнхүү иргэд төлж буй шимтгэлээрээ авдаг үйлчилгээ сэтгэлд нь хүрдэггүйн дээр шимтгэл нь үнэн, зөв төлөгдөж байгаа эсэх нь эргэлзээ төрүүлээд байна, ЭМДЕГ-ын дарга Л.Бямбасүрэн ээ!!!...
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
