ХӨСҮТ-өөс томуу болон амьсгалын замын халдварт өвчний талаар цаг үеийн мэдээлэл өглөө.
Тус төвийн Томуугийн Үндэсний нэгжийн тархвар судлаач эмч Д.Оюунгэрэл хэлэхдээ "Томуу, томуу төст өвчний тархалт арванхоёрдугаар сараас ихсэж, гуравдугаар түвшинд хүрсэн. Улсын хэмжээнд томуугийн өвчлөл буурахгүй байна.
Амбулаторид хандаж, эмнэлгийн тусламж үйлчилгээ авсан нийт иргэний 16 орчим хувь нь томуу, томуу төст өвчтэй байгаа юм.
Мөн эмнэлэгт эмчлүүлж буй иргэдийн 35 орчим хувь нь амьсгалын замын цочмог хүнд халдвар буюу уушгины хатгаагаар хэвтэн эмчлүүлж байна. Өвчлөлийг өмнөх долоо хоногуудтай харьцуулахад 5-6 хувиар ихэссэн.
Томуу, томуу төст өвчний улмаас амбулаторид хандаж байгаа хүмүүсийн 80 орчим хувийг 15 хүртэлх насны хүүхдүүд эзэлж байна. Үүний 60 орчим хувь нь дөрөв хүртэлх насны хүүхдүүд байгаа.
Улирлын томуугийн вакцинжуулалт үргэлжилж байна. Улсын хэмжээнд энэ жил 550,000 гаруй томуугийн вакцин хийсэн. Вакцинд хамрагдалт 83 орчим хувьтай байна.
Хэрэв томуугийн вакцинд хамрагдаагүй байгаа бол харьяа дүүргийнхээ эрүүл мэндийн төвд хандаж, вакцинаа хийлгэж болно" гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
