Төр.мн

Нүүр / Спорт / Манай 3х3 сагсанбөмбөгийн баг Индонезийн шигшээд ганц оноогоор хожигджээ

Спорт

Манай 3х3 сагсанбөмбөгийн баг Индонезийн шигшээд ганц оноогоор хожигджээ

Т.Төгөлдөр

6 жилийн өмнө

$\"\"$

Олон улсын сагсанбөмбөгийн холбооноос 3х3 сансанбөмбөгийн шинэ улирлын нээлтийн тоглолтыг эхлүүллээ.

Филиппин улсын Манилад өнгөрсөн амралтын өдрүүдэд /2019.04.06-07/ \"Asia Pacific Super Quest” тэмцээн болж, шилдгүүдээ тодруулав. Австрали, Тайвань, БНСУ, Филиппин, Япон, Хонконг, Монгол зэрэг 12 орны баг дөрвөн хэсэгт хуваагдан тоглож, хэсэг бүрээс хоёр баг хасагдах шатанд өрсөлдөх эрх авсан.

Манай сагсчид БНСУ, Австралийн багтай \"А” хэсэгт багтаж, хоёр хожилтойгоор хэсгээ тэргүүлсэн. БНСУ-ыг 21:15, Австралийг 16:14 оноогоор хожсон сагсчид шөвгийн наймд Индонезийн багт нэг оноогоор ялагдлаа.

Хагас шигшээд үлдэх эрхийн төлөөх Монгол, Индонезийн тоглолт 20:19-өөр \"Jakarta West” багийн хожлоор өндөрлөв. \"Asia Pacific Super Quest” тэмцээнд Японы баг түрүүлсэн бол Филиппиний баг удаалж, Индонез, Австралийн баг дөрөвт үлдэв. Сагсанбөмбөгийн 3х3 шинэ улирлын нээлтийн тоглолтоо шилдэг наймд үлдсэн амжилтаар эхлүүлсэн манай багт Д.Дэлгэрням, Э.Дөлгөөн, Г.Цэнгүүнбаяр, Э.Цэрэнбаатар нарын тоглогчид багтжээ. Дасгалжуулагчаар А.Тулга ажиллаж байгаа юм.