Төр.мн

Нүүр / Спорт / “Ногоон наадам”-ын медалийг дахин боловсруулсан түүхий эдээр хийнэ

Спорт

“Ногоон наадам”-ын медалийг дахин боловсруулсан түүхий эдээр хийнэ

Б.Шүрэнцэцэг

5 жилийн өмнө

$\"\"$

\"Олон улсын залуучуудын ногоон наадам”-ын тамирчдад гардуулах медаль, медалийн тавцан зэргийг хаягдал дахин боловсруулсан эд материалаар үйлдвэрлэхээр болжээ.

Монгол Улсын Ерөнхийлөгчийн ивээл дор, НҮБ-ын \"Тогтвортой хөгжлийн зорилго-2030”- хөтөлбөрт тулгуурлан зохион байгуулж буй \"Олон улсын залуучуудын ногоон наадам” хамтран зохион байгуулагч талуудтай хамтын ажиллагааны гэрээг үзэглэж эхэлжээ.

Спортын 25 төрөлд зохион байгуулах \"Олон улсын залуучуудын ногоон наадам” 2020 оны есдүгээр сарын 13-20-нд Улаанбаатар хотноо болно.

Энэхүү наадам нь улс эх орны ирээдүй болсон хүүхэд багачуудад эко боловсрол, эрүүл мэндийн боловсрол олгох эн тэргүүний зорилготой юм. Энэ өдрийн санамж бичиг зурах ёслолд \"Олон улсын залуучуудын ногоон наадам” зохион байгуулах хорооны нарийн бичгийн дарга буюу гүйцэтгэх хорооны ерөнхий захирал Б.Тамир, Монголын Спорт анагаах ухааны шинэ үе академийн ТУЗ-ийн дарга Д.Баяржаргал, Хог хаягдал дахин боловсруулах үндэсний холбооны ерөнхийлөгч Д.Бямбасайхан, \"Летс тревэл” ХХК-ны Ерөнхий захирал С.Амгаланбат нар оролцов.

Тус наадамд хамтран ажиллах байгууллагуудын хувьд үндсэн хэд хэдэн үүрэгтэй бөгөөд Монголын спорт анагаах ухааны шинэ үе академиас наадмын үеэр эмнэлгийн анхан шатны тусламж үзүүлэх 60-80 гаруй эмч, сувилагчдыг бэлтгэх, туслалцаа үзүүлэх, \"Жаргалтай ирээдүй” хөтөлбөрийн хүрээнд өсвөр үеийн болон ерөнхий боловсролын сурагчдад эрүүл мэндийн боловсрол олгож бэртэл гэмтлээс хэрхэн урьдчилсан сэргийлэх зэрэг шат дараатай сургалт зохион явуулах юм. Харин \"Летс Трэвел” ХХК нь зочид буудлын нийт зохион байгуулалтыг хариуцан ажиллана. Үүнд ижил цэстэй эко хоол хүнсээр хангах, зочид буудлуудын халдваргүйжүүлэлт, харуул хамгаалалтыг нэгдсэн системд оруулах зэрэг бэлтгэл ажлаа эхлүүлээд байгаа аж.

Харин Хог хаягдал дахин боловсруулах үндэсний холбооноос наадмын үеэр хог хаягдлын асуудлыг бүхэлд нь хариуцаж тэмцээний үеэр болон дараа хаягдалгүй дахин боловсруулалт хийнэ. \"Олон улсын залуучуудын ногоон наадам”-ын хүрээнд хүүхэд залууст хандсан \"Ногоон захидал” аян юм. Иймд тус холбооноос тус аянд нэгдэж хүүхэд залуучуудад хог хаягдлыг хэрхэн ангилах, ашиглах, боловсруулах

Токио хотноо болох зуны 32 дугаар олимпын наадам нь байгальд ээлтэй эко олимп хэмээгдэж байгаа бөгөөд Япон улс, ард иргэдийнхээ дунд хуучин гар утас, цахилгаан хэрэгсэл хандивлах аян өрнүүлж, түүнийг дахин боловсруулж олимпын наадмын медалийг хийж эхэлжээ. Өмнөх 31 олимпын наадамд хийгдэж байгаагүй энэхүү байгальд ээлтэй үйл ажиллагаа нь олипизмийн үзэл санааг өргөжүүлсэн цоо шинэ тохиолдол юм.

\"Токио-2020\" олимпын наадам шиг \"Олон улсын залуучуудын ногоон наадам”-д ашиглах медаль, медалийн тавцан зэргийг хаягдал дахин боловсруулсан эд материалаар үйлдвэрлэх юм байна.

Ташрамд дурдахад, \"Олон улсын залуучуудын ногоон наадам”-д оролцох хүсэлтэй албан байгууллагуудтай хамтарч ажиллахад бэлэн гэдгийг \"Ногоон наадам”-ын Ерөнхий зохион байгуулагч \"Улаанбаатар спорт менежмент” ХК-ийн хамт олноос онцолж байгаа аж.