Төр.мн

Нүүр / Спорт / Токио-2020” олимпд бэлтгэх үндэсний хороог хуралдуулна

Спорт

Токио-2020” олимпд бэлтгэх үндэсний хороог хуралдуулна

Үүсгээгүй

6 жилийн өмнө

$\"\"$

Дэд сайд Г.Ганбаяр нар Засгийн газрын хэрэгжүүлэгч агентлаг Биеийн тамир спортын газарт спортын салбарынхан болон холбоодын удирдлагатай уулзлаа.

Уулзалтад оролцогчид салбарын сайд өнгөрсөн оны нэгдүгээр сард Нийгмийн бодлого, боловсрол, соёл, спортын байнгын хорооны даргын хувиар энэ салбарынхантай уулзаж, тухайн үед тавьж байсан олон асуудал нааштай шийдэгдсэнийг дурдав.

Энэ удаагийн уулзалтаар \"Токио-2020” олимпийн бэлтгэл ажлын хүрээнд тулгамдсан асуудал болон бусад нэн даруй шийдвэрлэх шаардлагатай талаар салбарынхны саналыг сонслоо.

Энэхүү олимпд анх удаа багийн жүдо бөхийн төрөл нэмэгдэж байгаа. Тиймээс Үндэсний шигшээ багийн болон массажистын орон тоо, бэлтгэл хийх нэгдсэн өөрийн гэсэн баазтай болох, тамирчдын эрүүл мэнд дархлаажуулах асуудлыг салбарынхан хөндөж байв.

Уулзалтын төгсгөлд БСШУС-ын сайд Ё.Баатарбилэг хэлэхдээ, \"Олимпд бэлтгэх үндэсний хороог ойрын үед хуралдуулах нь зүйтэй. Энэ хуралд төсөв мөнгө, орон тоо, эм бэлдмэлийн асуудлыг тооцоотой, гарц шийдэлтэй оруулахыг ажил хариуцсан хүмүүст үүрэг болголоо. Төсвийн мөнгийг жижиг тэмцээн уралдаан зохион байгуулаад дуусах биш харин үлдэцтэй, нэн шаардлагатай ажилд зарцуулахыг санууллаа. Олимпийн өмнөх жил учраас үүнд чиглэсэн ажилд яам түлхүү анхаарч ажиллана” гэв.