Төр.мн

Нүүр / Онцлох / Нэг буурайн амиар өөрийгөө \"рекламдсан\" Ж.Ганбаатар та эмгэнэл илэрхийлэхгүй гэж үү?

Онцлох

0
1453

Нэг буурайн амиар өөрийгөө \"рекламдсан\" Ж.Ганбаатар та эмгэнэл илэрхийлэхгүй гэж үү?

$Нэг буурайн амиар өөрийгөө \"рекламдсан\" Ж.Ганбаатар та эмгэнэл илэрхийлэхгүй гэж үү?$

Админ

6 жилийн өмнө

$\"\"$

Цагаан сарын өмнө тойргийнхоо гишүүдэд ул боов, гарын бэлэг тараадаг жишиг энэ жил ч мөн үргэлжиллээ. Өнгөрсөн амралтын өдөр УИХ-ын гишүүн Ж.Ганбаатар Баянгол дүүргийн өндөр настануудыг \"Улаанбаатар” паласт цуглуулан уулзалт хийж, сувинер, хоёр килограмм гурил, нэг килограмм чихэр, нэг килограмм будаа бүхий гарын бэлэг тараасан юм. Харин энэ үеэр 83 настай буурай олны хөлд гишгэгдэн амиа алдсан харамсалтай хэрэг гараад байна.

Ирсэн хүн бүрт гарын бэлэг тараана, нэг сая хүртэлх төгрөгийн азтан тодруулж, сугалаа явуулна хэмээн зар тарааж, үүнд нь найдсан 4000 орчим хөгшид хэдэн цагаар бүхчим танхимд сууж, Ж.Ганбаатарын өөрийгөө \"реклам”-дахыг сонссон байна. Эцэстээ шахцалдсан иргэдийн дунд 83 настай буурай бусдын хөлд гишгэгдэн ухаан алдан унаж, амиа алдснаар энэхүү уулзалт өндөрлөсөн аж.

$\"\"$

Цагаан сар болох гэж байхад ийнхүү өндөр настангуудыг олноор цуглуулах шаардлага байсан уу? Тойргийнхоо иргэдэд, өндөр настануудад гарын бэлэг тарааж болох ч хороо, хороонд нь өгөх, эсвэл хэсэг хэсгээр нь уулзалт хийх зэргээр ахмадуудад хүндрэл учруулахгүйгээр зохион байгуулсан бол амиа алдсан буурай цагаан сараар ач, зээ нараараа тохойгоо түшүүлэн баярлаж суух байлаа.

Насны хишиг, тэтгэвэрээ авах гэж ахмадууд банкин дээр өдөр шөнөгүй оочерлож, эцэстээ даралт нь ихсэж, зүрх нь салганан байж мөнгөө авна, харин тойргийнх нь гишүүд нэг кг гурил, чихэр өгөх гэж тэднийг мянга мянгаар цуглуулж хүндрэл учруулна.

$\"\"$

Уг нь гишүүдэд сэтгэл байдаг бол ингэж ахмадуудад хүндрэл учруулахгүй, нэгнийх нь амиар уулзалт хийж, өөрийгөө рекламдах шаардлага байхгүйсэн.

Нэгэн сайхан буурай амиа алдчихаад байхад УИХ-ын гишүүн Ж.Ганбаатар одоог хүртэл эмгэнэл илэрхийлээгүй байна. Тэрээр үүнийг тоохгүй өнгөрөөхөөр шийдэв үү?