Тэтгэврийн нэмэлт
Засгийн газар (2020-01-22) Нийгмийн даатгалын сан (НДС)-гаас олгодог тэргэвэр нэмэх шийдвэр гаргажээ. Гэхдээ бүрэн тэтгэвэр (310 мянга)-ийн доод хэмжээг өсгөн тогтоожээ. НДС-гаас 308 мянган хүн өндөр настны тэтгэвэр авдаг. Тэдний 80 хувь нь 310 мянган төгрөгийн тэтгэвэртэй. Түүнийг 350 мянган төгрөг болгон өсгөжээ. Харин 310 мянган төгрөгөөс дээш 500 мянга хүртлэх төгрөгийн тэтгэвэртэй иргэдийнх 30 мянга, түүнээс дээш тэтгэвэртэй иргэдийнхийг 25 мянган төгрөгөөр тус бүр нэмсэн байна. Тэтгэрвэр нэмсэн үйлдэл инфляцийн түвшинтэй уялдаж байгаа аж. Засгийн газар 2016 оноос хойш бүрэн тэтгэврийг 39.4, хувь дундаж тэтгэврийг 30.7 хувиар нэмжээ. Энэ удаагийн тэтгэвэр нэмсэн шийдвэр 2020 оны хоёрдугаар сарын 1 буюу бямба гаригаас хэрэгжиж эхэлнэ.
УИХ- аас (2019 онд) хууль батлах замаар ахмадуудад ээлтэй олон шийдвэр гаргасан байна. Парламент (2019 оны 11 дүгээр сарын 13) 1991-1994 оны хооронд, төрүүлсэн болон 3 хүртэл настайд нь хүүхэд үрчлэн авсан дөрөв, түүнээс дээш хүүхдээ 6 нас хүртэл нь өсгөсөн, 15-аас доошгүй жил ажилласан 50 настай эх. Мөн 20 жил ажилласан эхийг нас, хүүхдийн тоо харгалзахгүй тэтгэвэртэй болгожээ. Улсад 27 жил ажилласан эмэгтэй, 32 жил ажилласан 55 насанд хүрсэн эрэгтэйг тэтгэвэрт гаргажээ. Гэвч Засгийн газар 1996 онд (Ерөнхий сайд М. энхсайхан) тэднийг нас нь хүрээгүй гэдэг шалтгаанаар тэтгэвэргүй болгосон аж. Тэднийг насан ( 4 хүүхэдтэй эмэгтэй 50, цөөн хүүхэдтэй эмэгтэй 55, эрэгтэй нь 60)-д хүрсний дараа тэтгэвэр тогтоолгох гэтэл улсад ажилласан жил нь хүрээгүй гэдэг шалтгаанаар үнэмлэхүй олонх нь хувь тэнцүүлсэн тэтгэвэр тогоолгосон байна. Энэ үйл явдалд тухайн үед 44 мянган иргэн хамрагдсан аж. Тэдний тэтгэвэрийг тус бүр 50 мянган төгрөгөөр хуулийн дагуу нэмнэ. Энэ хуульд 21 мянган ахмад хамрагдана. Тэдний авдаг тэтгэвэр (280 мянга) 330 мянга орчим төгрөг болно. Түүн дээр 2020 оны бага тэтгэрийн нэмэгдэл 40 мянган төгрөг нэмнэ. Ийм нэмэлтэд хамарсан ахмадуудын авах тэтгэвэр 360 мянга орчим төгрөгт хүрч өснө.
Нийгмийн даатгалын чиглэлээр 2020 оны нэгдүгээр сарын 1-ээс хөнгөлтэй нөхцөл (эмэгтэй 50, эрэгтэй 55)-өөр малчдыг тэтгэрт гаргах хууль орно. Малчдын тэтгэвэр толгтоолгох насыг бууруулсан ч малчнаар ажилсан жил нь хүрэхгүй байх нөхцөл гарсан. Энэ хуулийг амьдралтай болгохын тулд \"малчин, хувиараа хөдөлмөр эрхлэгчийн нийгмийн даатгалын шимтгэл (НДШ) нөхөн төлүүлэх” хуулийг УИХ мөн баталсан юм. Тэр хууль хэрэгжиж эхэлсэн. Энэ хуульд 88 мянган иргэн хамрагдана. Тус санд 130 тэрбум төгрөг төвлөрнө гэж тооцжээ. НДШ-ийг хөдөлмөрийн хөлсний доод хэмжээ (ХХДХ) 420 мянган төгрөгөөр тооцож төлнө. Гэхдээ улсад (хувиараа хөдөлмөр эрхлэгч), малчнаар ажилласан хэдэн жил өөрт нь хэрэгтэй байна, тэр хугацааныхаа НДШ-ийг нөхөн төлөх боломжийг энэ хуулиар нээж өгсөн аж.
Мөн тэтгэвэр тогтоолгох насанд хүрсэн эхэд, төрүүлсэн хүүхдийнх нь тоогоор ажилласан жил нэмэх хөнгөлөлт эдлүүлэх хууль хэрэгжиж эхэллээ. Тэтгэвэр тогтоолгох эхийн ажилласан жил нэмэх нь тэтгэврийн мөнгөн дүн өсөх сайн талтай.
Тэтгэврийн зээлтэй ахмадуудын 6 сая хүртлэх зээлийг төрөөс нэг удаа чөлөөлөх хууль УИХ баталсан. Тэр хууль хэрэгжиж байна. Энэ хуульд 29 мянга 400 ахмад хамрагдлаа.
УИХ, Засгийн газраас өнгөрсөн жил иргэн рүү чиглэсэн бодлого, явуулсан үйл ажиллагааны талаар авч үзэхэд ийм байна. Тэр бүхнийг эргээд харахад, хүний гарт баригдах тодорой зүлийг эрх баригчид хийжээ.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Зөв
0
0
Буруу
0
Воов
0
Уйтгартай
0
Дуртай
![\"\"](\"http://www.tur.mn/uploads/posts/2020-01/1580361583_5e3257c757c57.png\" "\\"\\"")
