Охидын математикийн авьяасыг дэмжин хөгжүүлэх, тэдэнд боломж олгох зорилготой олон улсын олимпиад болох “Европын охидын математикийн олимпиад-EGMO”-г Европын улсуудад 2012 оноос эхлэн зохион байгуулж эхэлжээ. 2014 оноос хойш энэ олимпиадад Европын бус улсуудыг тодорхой хураамж төлөн оролцохыг дэмждэг болсон байна. Ингэснээр оролцох улсууд нэмэгдэж, 2022 онд 57 улсын өсвөрийн математикчид өрсөлджээ.
Энэ олимпиадад АНУ, Канад, Австрали, Энэтхэг, Израиль, Саудын Араб, ОХУ, Япон, Иран, Казахстаны математикчид тогтмол өндөр амжилттай оролцдог. Энэ нь олимпиадын чанарыг илтгэдэг байна.
Манай улсын IMO-д оролцогч охидын эзлэх хувь олон улсын дунджаас хоёр дахин бага байгаа нь энэ асуудалд анхаарах шаардлагатайг харуулна. Иймээс өсвөрийн математикч охид Европын охидын математикийн олимпиадад улсаа төлөөлөн 2018, 2020 онд оролцсон. Нэг мөнгөн, таван хүрэл медаль хүртжээ.
Энэ жил дөрвөн сурагч охид ирэх сарын 13-нд Словенийн Портороз хотыг зорин, оюуны чадавхаа сорихоор шалгарсан байна:
Г.Дөлгөөн 1-р сургууль 11-р анги,
Н.Болор "Эрдмийн хишиг" сургууль 9-р анги,
Б. Ундрал 1-р сургууль 12 -р анги,
М. Амин-Эрдэнэ "Эрхэт-Эрдэм" сургууль 9-р анги.
Багш нар: С.Цогзолмаа, Т.Хулан тус тус шалгарсан байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
