Өнгөрсөн долоо хоногт “Боловсролын зээлийн сан”-гаас зээл авсан иргэдийн мэдээллийг нийтэд ИЛ болгосноо БШУ-ны сайд Л.Энх-Амгалан зарласан билээ. Мэдээлэл ил болсноор Төрийн энгийн гэлгүй бүх зээлдэгчийн овог, нэр, регистр гээд хувийн бүхий л мэдээлэл нь задрав. Үнэндээ, шалгуураа хангасан л бол баяны ч бай, борчуудынх ч бай хэн ч ЗЭЭЛ-ээр суралцаж болно. Харин шалгуур хангаагүй хүн зээлд хамрагдсан бол шалгах нь зүй ёсны хэрэг. Гэхдээ Төрийн өндөр албан тушаалтнууд иргэдийг “МОЛИГО”-дож хашраасан учраас “АРЫН ХААЛГА”-дсан хэмээн олон нийт хардаж байгаа нь илт.
Гэвч олон нийтийн “ХАРДАЛТ”-ыг тайлах гэсэн биш БЗС-гаас зээл авсан 1900 гаруй хүний регистрийн дугаар бүхий хувийн мэдээллийг тараачихсан байгаа юм. Үүнээс шалтгаалж, өөрийн мэдлэг чадвараар шаардлагаа хангаад, зээлд хамрагдсан хүмүүс “ЭВГҮЙ” байдалд орсон нь лавтай.
Энэ үйлдэл нь Үндсэн хуулийн 16 дугаар зүйлийн 7-д заасан “...Сурч боловсрох эрхтэй. Төрөөс бүх нийтийн ерөнхий боловсролыг төлбөргүй олгоно. Иргэд төрөөс тавих шаардлагад нийцсэн хувийн сургууль байгуулан ажиллуулж болно” гэснийг, дээрх зүйлийн 17-д заасан “...Төр, түүний байгууллагаас хууль ёсоор тусгайлан хамгаалбал зохих нууцад хамаарахгүй асуудлаар мэдээлэл хайх, хүлээн авах эрхтэй. Хүний эрх, нэр төр, алдар хүнд, улсыг батлан хамгаалах, үндэсний аюулгүй байдал, нийгмийн хэв журмыг хангах зорилгоор задруулж үл болох төр, байгууллага, хувь хүний нууцыг хуулиар тогтоон хамгаална” гэснийг зөрчсөн байна. Түүнчлэн Хүний хувийн мэдээлэл хамгаалах тухай хуулийн зарим заалтыг ноцтой зөрчжээ.
Уг хуулийн 4.1.11-т “... Хүний хувийн мэдээлэл” гэж хүний эмзэг мэдээлэл болон хүний эцэг /эх/-ийн нэр, өөрийн нэр, төрсөн он, сар, өдөр, төрсөн газар, оршин суугаа газрын хаяг, байршил, иргэний бүртгэлийн дугаар, хөрөнгө, боловсрол, гишүүнчлэл, цахим тодорхойлогч, хүнийг шууд болон шууд бусаар тодорхойлох, эсхүл тодорхойлох боломжтой бусад мэдээллийг хэлнэ” гэж заасан.
Төрийн байгууллага дараах тохиолдолд мэдээллийг ашиглана тухай Үндсэн хуульд тусгажээ. 6.2.1-т “...мэдээллийн эзний зөвшөөрлөөр”, 6.2.2-т “...хуульд заасан үндэслэлээр”, 6.2.3-т “...мэдээллийн эзний амь нас, бие махбод, эрх, эрх чөлөө, эд хөрөнгөд хохирол учруулахаас урьдчилан сэргийлэх, түүний эрх, хууль ёсны ашиг сонирхлыг хамгаалах”, 6.2.4-т “...бусдын эрх, хууль ёсны ашиг сонирхолд хохирол учруулахаас урьдчилан сэргийлэх”, 6.2.5-т “...хүнийг тодорхойлох боломжгүй болгож түүх, эрдэм шинжилгээ, урлаг, утга зохиолын бүтээл туурвих, статистикийн мэдээлэл бэлтгэх” хэмээжээ.
Цагдаа болон хуулийн эрх бүхий байгууллагуудаас регистрийн дугаараа онц шаардлагагүй бол бусдад хэлж өгөхгүй байх, олон хүний дунд хэлэхээс зайлсхийхийг сэрэмжлүүлдэг билээ. Учир нь иргэний үнэмлэх, регистрийн дугаараар хүний хувийн нууцыг мэдэх боломжтой байдаг аж. Гэтэл БШУ-ны сайд Л.Энх-Амгалангийн гаргасан энэ үйлдэл Монгол Улсын Үндсэн хуулийн заалтуудыг НОЦТОЙ зөрчсөнд тооцогдоод байна.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
