“Таванбогд” групптэй холбоотой мэдээлэл олон нийтийн сүлжээнд тасрахгүй байна. Учир нь иргэн Т.Болд нь тус компаниас “Автомашин худалдан авах” гэрээ байгуулжээ. Тэрбээр 2022 оны арванхоёрдугаар сард хандахад “2023 оны хоёрдугаар сард ирэх “Тоёота”-гийн нэг л машин байна. Төлбөрөө 100 хувь төлбөл гэрээ хийх боломжтой” гэсэн байна. Үүний дагуу иргэн өөрт байгаа боломжоо тултал нь ашиглаж, төлбөрөө 100 хувь төлж гэрээгээ байгуулсан аж. Хамгийн НОЦТОЙ нь “Автомашин Монголд ирэх үед үнэ нь өссөн байвал зөрүү төлбөрийг худалдан авагч тал төлнө” гэх заалтыг гэрээндээ тусгажээ.
Иргэн Т.Болд өчигдөр цахим хуудаснаа “Гэрээнд заасан хоёрдугаар сар нь аль хэдийнэ дууссан. Гуравдугаар сар ч дуусах дөхлөө, машин байдаггүй. Борлуулагч нь “Танд байнга мэдээлэл өгч байна” гэсэн боловч өнөөдрийг хүртэл утсаа огт авахгүй, ТАГ ЧИГ болсон” хэмээн бичжээ.
Цар тахлын нөхцөл байдал намжиж, ачаа тээврийн асуудал ч нэг үеэ бодвол ДЭЭРДСЭН. Үнэ нь ч буурсныг та бид мэдэж байгаа. Гэвч иргэний захиалсан машин хаачсан бэ, Ц.Баатарсайхан захирал аа. Ил гарсан нь Т.Болд болохоос, цаана нь хэчнээн иргэн ингэж хохирсон байхыг таашгүй.
Монгол Улсад хэрэглэгчийн төлөө ажилладаг гэх ганц байгууллага нь ШӨХТГ билээ. ШӨХТГ-ын дарга Ц.Уртнасан та энэ асуудалд аль хэдийнэ анхаарлаа хандуулж, хяналт шалгалтаа эхлүүлсэн байх ёстой хүн. Гэвч “ТАГ ЧИГ”...
Хэдэн хоногийн өмнө болсон Хөгжлийн банкны “Нотлох баримтыг шинжлэн судлах сонсгол”-д “Таванбогд” группын гүйцэтгэх захирал Ц.Баатарсайхан ГЭРЧ-ээр дуудагдсан байдаг. Тус групп нь Хөгжлийн банкнаас 226.6 тэрбум төгрөгийн зээл авч “Таванбогд пицца” гэх мэт компаниудынхаа зээлээ төлсөн гэдгийг Хөгжлийн банкны Хянан шалгах түр хорооны дарга, УИХ-ын гишүүн Б.Энхбаяр хэлсэн юм.
Олон "ДУУЛИАН"-ы эзэн Хөдөлмөрийн баатар Ц.Баатарсайханаар толгойлуулсан энэ байгууллагад хэн, хэзээ, ямар хариуцлага тооцох нь эргэлзээтэй байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
