“НҮҮРСНИЙ” гэх хэрэг өнөөдрийн УИХ-ын хувь заяаг шийдэх нигууртай хэрэг мөн. Уг хэрэгт холбогдсон гишүүдийг өмгөөлбөл УИХ шалаар нэг тарж, дараагийн сонгуулиар сонгогдох “нүүр”-гүй болох байв. АТГ болон УЕП-оос дээрх хэрэгт яллагдагчаар татагдсан гишүүдийг “мөрдөн шалгахын тулд бүрэн эрхээс нь ТҮДГЭЛЗҮҮЛЭХ шаардлагатай” гэх санал гаргасан байдаг.
Энэ саналыг хэлэлцэхийн тулд УИХ дахь Халдашгүй байдлын дэд хорооны бүрэлдэхүүнийг ШИНЭЭР баталсан. Тодруулбал,
Парламентад олон удаа сонгогдсон буюу хашир ТУРШЛАГАТАЙ гэх Н.Энхболд, Ц.Мөнх-Оргил, Сү.Батболд, Б.Бат-Эрдэнэ, С.Бямбацогт нараар бүрдүүлсэн юм.
Тэд өнөөдөр 8-9 цаг хуралдсаны эцэст шийдвэрээ гаргаж, Д.Бат-Эрдэнэ, Н.Наранбаатар, Т.Аюурсайхан нарыг бүрэн эрхээс нь ТҮДГЭЛЗҮҮЛЭХ нь зүйтэй гэдэг байр суурь дээр нэгджээ. Гэхдээ гурван гишүүн гэм буруутай гэсэн үг биш. Хууль хяналтын байгууллагыг ажлаа хийх боломжоор хангаж байгаа гэдгийг Дэд хорооны дарга Ц.Мөнх-Оргил онцлов. Мөрдөн шалгах ажиллагааны явцад дээрх 3 гишүүнийг “гэм буруугүй” гэж үзвэл УИХ-д эргүүлэн томилох ажээ.
Ямартаа ч нийтийн дунд хүлээлт үүсгээд байсан ЯЛЛАГДАГЧ 3 гишүүнийг ТҮДГЭЛЗҮҮЛЭХЭЭР боллоо. Харин 4 гишүүний суудал ЭЗГҮЙРЧ, парламентийн чадамжийн асуудал хөндөгдөж буй тул ҮАБЗ-ийн гишүүн буюу Төрийн гурван өндөрлөг уулзаж байгаа гэх “бор шувуу” Төрийн ордноор нисэж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
