Баянхонгор аймгийн Засаг дарга Д.Мөнхсайхан та СӨХ-ны ажлыг өмнөөс нь хийж яах нь вэ?
Уншигч танд баримт танилцуулахад, Баянхонгор аймгийн ЗДТГ нь Баянхонгор сумынхаа орон сууцнуудын орцыг “КОД”-жуулахын тулд 50 сая төгрөг зарцуулахаар өчигдөрхөн /2023.04.04/ тендер зарлажээ.
Угтаа бол Монгол Улсад СӨХ-гүй орон сууц гэж үгүй. СӨХ нь сар бүр оршин суугчдаас тодорхой хэмжээний төлбөр авч, үүгээрээ орчны тохижилтыг хангадаг. Гэвч Баянхонгор аймгийн Засаг дарга Д.Мөнхсайхан нь СӨХ-ны ажлыг өмнөөс хийж байх юм.
Тэрбээр аймгийн Засаг даргаар 2 дахь удаа ажиллаж буй бөгөөд “МЭР СЭР” авилга, албан тушаалын хэрэгт холбогддог нэгэн байна.
Эргэн сануулахад, Төрийн албаны зөвлөлөөс өгсөн удаа дараагийн шаардлагыг биелүүлэхгүй тус аймгийн Боловсрол, шинжлэх ухааны газрын даргаар төрийн жинхэнэ албаны удирдах албан тушаалын сул орон тоонд сонгон шалгаруулалтгүйгээр, мөн хуульд заасан шаардлага хангаагүй иргэн Э-г 2021 онд томилжээ.
Хууль бус шийдвэрийг нь хүчингүй болгуулахаар удаа дараа хандсан байхад Д.Мөнхсайхан нь БШУ-ны газрын даргын албан үүргийг түр орлон гүйцэтгэгч Э-г үүрэгт ажлаас нь чөлөөлөхдөө “Эрүүл мэндийн шалтгаанаар ажлаас чөлөөлж, гурван сарын үндсэн цалинтай тэнцэх хэмжээний нөхөн төлбөр олгох” шийдвэр гаргасан нь бусдад давуу байдал бий болгож, улмаар Авлигын эсрэг хуулийг зөрчсөн болох нь АТГ-ын шалгалтаар тогтоогдож байсан аж.
Ерөнхий сайд Л.Оюун-Эрдэнэ таны Засгийн газрыг энд “ҮЙЛЭЭ ҮЗЭЖ” байх хойгуур орон нутгийн зарим Засаг дарга төсвийн мөнгийг “үрэн таран” хийж байгаа бололтой.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
