Домгийн шувуу үргээж, Т.Бадамжунай Монголд ирээд буй. Нэг ёсондоо, Л.Оюун-Эрдэнийн Засгийн газрын “шувуу” эхний даалгавраа амжилттай гүйцэтгэсэн гэж болно. Т.Бадамжунай нь Филиппин улсад байхдаа АТМ-нээс мөнгө авах явцдаа "азаартаж", тус улсын хуулийн байгууллагад баригдаж, улмаар Монголд ирэв. Түүнийг “Чингис хаан” ОУНБ-аас шууд Хорих 461 дүгээр анги буюу Ганц худаг руу авч явсан.
Харин “шувуу”-ны дараагийн үүрэг бол Ерөнхий сайд асан Ч.Сайханбилэг болон “Тавантолгой төмөр зам” ХХК-ийн гүйцэтгэх захирал Н.Удаанжаргалыг авч ирэх юм. Тэднийг эргэн сануулбал,
Ч.Сайханбилэг нь "Эрх мэдлээ урвуулан ашиглаж, давуу байдал бусдад олгосон мөн төрийн хууль ёсны ашиг сонирхолд хохирол учруулсан" гэх үндэслэлээр шалгагдаад, багагүй хугацаа өнгөрсөн билээ. Тухайлбал,
Тэрбээр Аж үйлдвэрийн сайд асан Д.Эрдэнэбаттай хамтран “Эрдэнэт үйлдвэр” ТӨҮГ, “Монголросцветмет” компанийн 49 хувийн хувьцааг “Монголын зэс” ХХК-д худалдах саналыг зөвшөөрөх" гэсэн шийдвэр гаргасан. Түүнчлэн, Хөгжлийн банкны хэрэг ч Ч.Сайханбилэгтэй холбоотой. Ерөнхий сайдаар ажиллах үед нь буюу 2012 оноос тус банк зээл олгож эхэлсэн байдаг. Холбогдох шалтгаан нь мөн л албан тушаал ашиглаж, "ЧАНАРГҮЙ ЗЭЭЛ" олгосон байж болзошгүй. Түүнийг 2018 онд АТГ-аас шалгаж байсан ч төд удалгүй АНУ руу оргон зайлсан юм.
"НҮҮРСНИЙ ХУЛГАЙ"-н хэрэгт зүй ёсоор багтаж буй "Тавантолгой төмөр зам" ХХК-ийн гүйцэтгэх захирал Н.Удаанжаргалыг нэрлэхгүй байхын аргагүй.
Түүнийг гэр, хамаарал бүхий обьектод нэгжлэг хийх явцад 700 мянган "АМ.ДОЛЛАР"-ын хадгаламж, "5 ТЭРБУМ"-ын үл хөдлөх хөрөнгө илэрсэн байдаг. Гэвч энэ үеэр аль хэдийнэ БНСУ руу явчихсан байлаа. Н.Удаанжаргал хил давсан шалтгаанаа "Төмөр замын барилгын ажил, галт тэрэгний туннель барих технологийн талаар туршлага судлах томилолтын ажилтай яваа" хэмээн тайлбарласан байдаг аж. Томилолт нь өнөөдрийг хүртэл дуусаагүй юу эсвэл өөрийг нь олохгүй хэмээн бодсон яваа юу, бүү мэд...
Ямартаа ч дээрх 3 хүн “шувуу”-нд шүүрүүлэх эхний ээлжинд багтаад байсан бөгөөд Т.Бадамжунай ирээд байна. Харин Ч.Сайханбилэг, Н.Удаанжаргал нарыг хэзээ авч ирэх бол гэсэн хүлээлт үүсээд буй.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
