БНХАУ-ын Хөх хотын Консул асан, АН-ын гишүүн Д.Мөнх-Эрдэнэд холбогдох хэргийн шүүх хурал өндөрлөж, шийдвэрээ гаргав. Шүүхээс Д.Мөнх-Эрдэнийн үйлдлийн улмаас 112.2 сая төгрөгийн хохирол учирсан гэж үзжээ. Түүнээс 82.2 сая төгрөгийг гаргуулж, улсын төсөвт олгох мөн гэмт хэрэг үйлдэж олсон орлого болох 10 сая төгрөгийг улсын орлого болгохоор шийдвэрлэв.
Түүнчлэн, нээлттэй хорих ангид 3 жил 10 сар хорих ял оноож, нийтийн албанд ажиллах эрхийг нь 5 жилээр хаслаа.
ХЗДХЯ, ГХЯ болон Хотын захиргааны үүдэнд гээд “бужигнуулдаггүй” газар гэж түүнд ховор. Олон нийт ч түүнийг үгүйлдэг болжээ.
Ял оноосон шалтгаан нь Эрүүгийн хуулийн 22.1 дүгээр зүйл буюу “Эрх мэдэл, албан тушаалын байдлаа урвуулан ашиглах” 22.5 дугаар зүйл буюу “Хахууль өгөх” зүйл анги аж.
Тэгвэл маргааш буюу дөрөвдүгээр сарын 7-нд АН-ынхан 33 жилийн ойгоо тэмдэглэн чуулах гэж байна. Дотроо ч учраа олоогүй С.Эрдэнийнх, Х.Баттулгынх, Л .Гантөмөрийнх гэж 3 хуваагдсан нам 33 жилийн ойгоо баяртай нь аргагүй тэмдэглэх бололтой. Харин тэнд нэг гишүүн нь 3 жилийн ял авчхаад байхад, тоож байгаа амьтан нэг ч алга.
АН-ынхаан, эндээс та нарын эв нэгдэл харагдана...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
