Бид өчигдөр /2023.04.11/ Хөтөлийн "Цемент шохой" ТӨХК-ийн гүйцэтгэх захирал Л.Наранбаатар "халагдах" болзлоо хангасан тухай нийтлэлийг та бүхэнд хүргэсэн. Л.Наранбаатар цахим хуудсаараа л өөрийгөө магтаж "ПОП"-ордгоос биш, бодит ажил хийдэг нь ховор гэдгийг үйлдвэрийнх нь ажилчид болон Төрийн өмчийн бодлого, зохицуулалтын газрын дарга Б.Цэнгэл ч хэлээд авлаа.
"Цемент шохой" ТӨХК нь 2022 оны гуравдугаар сард Төрийн өмчид ирсэн бөгөөд олон нийт ч уг нь талархууштай байдаг. Гэвч Л.Наранбаатар энэ талархал болон Төрийн итгэлийг "УЛ"-андаа гишгэж байх шиг...
Л.Наранбаатарыг дараах шалтгаануудаар чөлөөлөх үндэслэл бий" гэж ажилчид нь хэлж байна. Үүнд:
-Үйлдвэрийн ачааллыг нэмэгдүүлж, томоохон эвдрэл үүсгэсэн
-Багагүй ажилчдыг халж, эмэгтэй ажилчиддаа бэлгийн дарамт үзүүлдэг
-Бумбын тахилга нэрээр 180 орчим сая төгрөгийг үргүй зарлагадсан
-Архидан согтуурч олон хоногоор ажлаа тасалдаг аж.
Тэгвэл өнөөдөр /2023.04.12/ ТӨБЗГ-ын дарга Б.Цэнгэл хэлэхдээ "Би Л.Наранбаатарын удирдлага болон ах хүнийн хувиар ч маш олон удаа анхааруулж хэлж байсан. Үйлдвэрлэл байнга явагддаг газарт байнга ажилладаг захирал хэрэгтэй болохоос АЛСААС УДИРДДАГ удирдлага хэрэггүй. Хоёрдугаарт, архи дарс уухаараа хэдэн арван хоногоор алга болдог ийм хүн надад хэрэггүй. Өөрт нь ч нөхөрсөгөөр "Чи хэрвээ ингэж болно гэж бодож байгаа бол тэр ажлаа өөр газраас хайгаарай. Төр Засаг чаддаг хүнээ тавина шүү" гэж хэлсэн. Өөрөөр хэлбэл, "Цемент шохой" ТӨХК-ийн хувьцаа эзэмшигч Засгийн газарт Л.Наранбаатарыг чөлөөлөх хүсэлтээ өгнө" гэв.
Л.Наранбаатар болон түүний "тролл"-ууд үнэнийг нь элчилсэн хэвлэл мэдээллийн хэрэгсэл, иргэд рүү "Биднийг гүтгэлээ" хэмээн дайрдаг. Тэгвэл бүхэл бүтэн Төрийн өмчийн бодлого зохицуулалтын газрын дарга нь нотолчихлоо. Одоо суудал нь ӨНЦӨГДСӨН Л.Наранбаатар хэзээ мултарч, улмаар хуулийн ямар хариуцлага хүлээхийг харах л үлдлээ.
Like
0
Зөв
1
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
