УИХ-ын сонгууль ойртож улс төрийн намууд хөдөлгөөнд орж эхэлжээ. Тэр дундаа ардчилсан намд бэл бэнчингээ гайхуулсан "боссууд" их байдаг бололтой.
Баянхонгорын Бууцагаан сумын нутгийн зөвлөлийн дарга АН-ын Үндэсний бодлогын хорооны гишүүн М.Хүрэлсүх сумынхаа иргэдэд 10 кг гурил, 5 кг будаа тараажээ. Бодвол ирэх сонгуулийнх нь Пи АР биз.
УИХ-ын гишүүн тойргоо усаллаа гэдэг олны хэл амнаас бултаж намынхаа боссуудаар тойргоо услуулдаг сэргэлэн гишүүд, бэнчинтэй босс ч ховор биз ээ. Зүгээр тус гэж юу байхав. Ирэх сонгуульд хүч үзнэ гэдгээ үүгээрээ илэрхийлж байж ч болох.
Гурил будааны үнэ тэнгэрт хадаж байгаа энэ үед иргэдэд гар сунгах М.Хүрэлсүх шиг бэл бэнчинтэй босс-ууд олон байгаасай гэж ахмадууд дуу алалж байна гэнэ. Хэдэн тэрбумаар нь улсаасаа хулгайлж чадахгүйгээс хойш баяжсан боссуудынхаа сайхан сэтгэлийг гар тосон авах нь ч зүйн хэрэг. Гэхдээ ирэх сонгуулиар хэр мэргэн сонголт хийх вэ гэдгийг БУУЦАГААНЧУУД маань мэдэх биз ээ.
Like
0
Зөв
0
0
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
