Монголын, тэр дундаа нийслэл Улаанбаатар хот дахь түүх, соёлын ховор үзмэрүүдийн нэг болох Чойжин ламын сүм музейгээс өнөөдөр олон нийтэд нээлттэй мэдээлэл өгсөн билээ. Тодруулбал,
Сүүлийн өдрүүдэд хэвлэл мэдээллийн хэрэгслүүд болон цахим сүлжээнд "Чойжин ламын музейн урд хэсгийн ногоон байгууламжийг устгаж, барилга барих гэж байна" гэх мэдээлэл гарч, тус музейн удирдлагууд болон Соёлын сайд Ч.Номин нар багагүй шүүмжлэлд өртсөн юм. Музейн захирал Д.Отгонсүрэн хэлэхдээ,
"Энэ байгууллага бий болоод 115, музей болоод 85 жил болж байна. 20 ажилтантайгаар үйл ажиллагаа явуулдаг. Манайх төвийн халаалт, төвлөрсөн шугамд холбогдоогүй бөгөөд гүний худгаар ундны болон хэрэглээний усаа хангаж байна.
115 жилийн өмнө эсгий гуталтай лам нар ном хурж байсан сүмд 21 дүгээр зуунд хүмүүс эсгий гуталтай ажиллаж, эрүүл мэндийн асуудалтай болж байна. Мөн 580 мянган төгрөгийн цалин авч ажилладаг. Хүмүүс цалин сонсоод ирэхгүй байгаа. Музейн үзмэр харгалзагч нар хөдөлмөрийн хортой нөхцөлд ажиллаж байна" гэсэн юм.
Харин Соёлын сайд Ч.Номин "Музейн захиргааны зүгээс сан хөмрөгөө хадгалан хамгаалах, олон улсын стандартад нийцсэн байр савтай болох, үйлчлүүлж байгаа зочдын наад захын тав тухыг хангах ариун цэврийн өрөө, ажиллаж буй хүмүүсийн эрүүл аюулгүй орчинд ажиллах боломжийг хангах хүсэлтийг олон жилийн турш тавьж ирсэн байдаг. Энэ бүгд нь шийдвэрлэх ёстой зүй ёсны шаардлагууд. Харин өнөөдрийн байдлаар уг газарт барилга барих ямар нэгэн шийдвэр болон төсөв төлөвлөгөө байхгүй" гэсэн байдаг.
Өөрийгөө өмөөрч тайлбар өгөх нь ч яахав. Соёлын салбар хариуцсан сайдын хувиар ядаж ажилчдынх нь нийгмийн амьдралд анхаарлаа хандуулаач. XXI зуунд ажилчид нь эсгий гуталтай, 580 мянган төгрөгийн цалингаар ажилласаар байх уу, энэ байдал хэр удаан үргэлжлэх вэ?. Өдий болтол юу хийв, Ч.Номин сайд аа
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
