Монгол Улсын аймаг, нийслэл, сум, дүүрэг, баг, хороодын Засаг дарга, удирдлагууд оролцсон "Шинэ сэргэлтийн бодлого-анхан шат 2023” зөвлөлдөх уулзалт анх удаа боллоо.
Зөвлөлдөх уулзалтыг нээж Ерөнхий сайд Л.Оюун-Эрдэнэ үг хэлж, "Алсын хараа-2050" урт хугацааны хөгжлийн бодлого, "Шинэ сэргэлтийн бодлого"-ын явц, онцлох ажлууд, улс орны нийгэм, эдийн засгийн өнөөгийн байдлын талаар танилцууллаа. Ерөнхий сайд Л.Оюун-Эрдэнэ цар тахлын үед ачааны хүндийг үүрэлцэн, цаг наргүй ажилласан анхан шатны нэгжийн удирдлагуудад талархал илэрхийлэв.
Мөн тус арга хэмжээний хүрээнд Үндэсний Соёл амралтын хүрээлэнд болж буй ICT Expo 2023, MINDGOLIA өртөөчилсөн аялалд оролцлоо. Өмнөговь аймаг тус үзэсгэлэнгээс сургууль бүрд дижитал танхим байгуулах, техник технологийн дэвшлийг нэвтрүүлэх, Цахим Өмнөговь хөтөлбөрийн хүрээнд шаардлагатай хөрөнгө оруулалтад хамтран ажиллах санамж бичиг байгуулах зэрэг үйл ажиллагааг зохион байгууллаа.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
