Жилийн жилд л бороо орсны дараа замууд усанд автаж, эвдрэх нь эвдэрдэг. Үүний улмаас жолоочид машинтайгаа сэлж, явган зорчигчид "УРТЫН ХАРАЙЛТ"-аар хичээллэдэг билээ. Энэ байдал өнөө жил ч давтагдлаа.
Өнгөрсөн даваа гарагаас эхлэн тасралтгүй орсон борооны улмаас төв замууд усанд автаж, "ЗАВЬ"-тай явж болохоор байгааг "NTV" телевиз егөөдөж, хөндсөн билээ.
НЗДТГ-ын зүгээс "120 тонн усыг соруулсан" гэх тайлбарыг өгсөн. Мөн Хотын дарга Д.Сумъяабазар "Хотод их хэмжээний бороо орох тоолонд авто зам усанд автдаг дүр зураг бол өнгөрсөн хугацаанд сэтгэлгүй, хариуцлагагүй хандаж ирсний үр дүн. Хотын даргын ажлыг авснаас хойш бороо орсны дараа ус их тогтдог 25 байршил байна гэсэн судалгааг мэргэжлийн байгууллага гаргаж өгсөн. 2020 оноос 17 байршилд ус зайлуулах шугам хоолой шинээр суурилууллаа. Мөн шинэ зам тавихдаа заавал ус зайлуулах шугамтай хийж байгаа. Асуудлыг үе шаттай шийдэхээр ажиллаж байна" гэх тайлбарыг өгсөн.
Өнөө өглөө гэхэд л Сэлбэ голын үерийн далан сэтэрсэний улмаас ойр орчмын орон сууцнуудын 1 давхар болон зоорийн давхрууд усанд автжээ.
Цаг, уурын байгууллагаас олон хоног үргэлжилсэн бороо орно гэдгийг анхааруулсаар байтал яагаад шат шатандаа бэлэн байдлаа хангасангүй вэ. "Өнгөрсөн борооны хойноос цув нөмрөв" гэгч нь одоо л болоод байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
