Монголчуудын хувьд зуны улирал бүхэлдээ “амралтын” улирал болдог. Тэр ч бүү хэл, Засгийн газрын “шувуу” хүртэл амралтаа аваад, замхарчихлаа. 2023 оныг “Авлигатай тэмцэх жил” болгон зарлаж, “5Ш” ажиллагааг хэрэгжүүлэхээр болсон билээ.
Эхэндээ ч “шувуу” ажиллагаа сүр дуулиантай эхэлж, УИХ-ын гишүүн асан Т.Бадамжунай тэргүүтэй хэдэн хүнийг авчирч цагдан хорьж, шалгаад байсан. Тэгвэл “шувуу” нь ч амраад, Т.Бадамжунайгаа ч батлан даалтад гаргаад явуулчихсан. Түүнчлэн, гадаад авч ирэхээр яриад байсан Ерөнхий сайд асан Ч.Сайханбилэг, “Тавантолгой төмөр зам” ХХК-ийн гүйцэтгэх захирал асан Н.Удаанжаргал нар ч “замхраад” байна. Тодруулбал,
Уг нь Ч.Сайханбилэг анхнаасаа л Солонгосоор дамжиж, Америкт очсоноо зарласан. Тэнд байгаагаа нуудаггүй. Гэхдээ сүүлд манай хууль хяналтынхан, түүнийг Колорадод “........., Bridge view Ln, Parker, CO .........” хаягт амьдарч байгааг олж мэдсэн бололтой. Тийм мэдээ сураг ч гарсан.
Харин Н.Удаанжаргал Засгийн газрын “шувуу”-наас ч хурдан нисээд байгаа. “Томилолттой” гэж хэлээд БНСУ руу “мурьсан” ч хамгийн сүүлд Малайзад очсон гэх “шуум” сонсогдсон. Өнөөдрийг хүртэл түүний гадаад паспортыг хүчингүй болгож, бусад руу мөнгө шилжүүлэх эрхийг хаахаас өөр хийсэн зүйлгүй байна.
ХЗДХ-ийн сайд Х.Нямбаатар өнгөрсөн зургадугаар сарын эхээр хэвлэлд мэдээлэл өгөхдөө “Ерөнхий сайд асан Ч.Сайханбилэгийг “Шувуу” ажиллагааны хүрээнд авчрахаар тодорхой ажлууд хийгдэж байгаа. Америкаас Монголд суугаа Элчин сайд болон албаны хүмүүстэй нэлээд хэдэн удаа уулзалт хийсэн. Өмнөх болон шинээр томилогдон ирсэн Элчин сайдтай уулзсан. Бид хүнээ авъя гэсэн нэг л хүсэлт тавьдаг. Тухайн улс орон манай иргэнийг гаргаж өгөх үйлдэл хийхгүй тохиолдолд бид ямарваа нэг байдлаар хүч хэрэглэж, албадан ирүүлэх эрх зүйн ямар ч боломжгүй” гэх тайлбарыг өгөөд байсан юм.
Тэгэхээр энэ намартаа дээрх хоёр этгээдийг авч ирж чадахгүй бол тэнд нь “өвөлжүүлэх” нь...
Like
0
Зөв
0
1
Буруу
0
Воов
0
Уйтгартай
1
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
