АН-ын ҮБХ-ны хурал өнөөдөр эхэлж байна. Энэ хурлаараа тус намын дэд дарга болон “Генсек” буюу Ерөнхий нарийн бичгийн даргаа томилох учиртай. Тэгвэл улстөрийн хүрээнд “АН-ынхан хэнийг сонгох бол” гэсэн хүлээлт, таамгууд хөвөрсөөр буй. Тухайлбал,
Залуу үеийн төлөөлөл болгож Э.Одбаярыг дэвшүүлжээ. С.Эрдэнийг АН-ын дарга байхад нь АН-ын Хэрэг эрхлэх газрын даргаар ажиллах үедээ “Казино” тоглож, бусдаас их хэмжээний мөнгө авсан хэрэгт нэр холбогдсон гэх. Тиймээс намын гишүүд нь түүнийг дэмжихгүй байгаа аж. Харин Лу.Гантөмөр түүнийг Ажлын хэсгийн даргаар томилсон.
Дараагийн нэг вариант нь 70-аад оны төлөөлөл буюу ХЗДХ-ийн сайд асан, Хуульч Х.Тэмүүжин. 2020 оны сонгуульд “унасан” түүнийг АН-ын дарга Лу.Гантөмөрийн найз гэдэг. Найзтайгаа ханьсан улстөрд орж ирсэн түүний хувьд 2008, 2012 оны сонгуульд ялалт байгуулж, гишүүн суудалд суусан бөгөөд 2012-2014 онд ХЗДХ-ийн сайдын албыг хашиж, багагүй туршлага өвөртлөсөн нэгэн. Хэрвээ Лу.Гантөмөр “Тогоо баригч”-аа өөрөө сонгоно гэвэл найзыгаа сонгох нь зүйн хэрэг биз ээ.
Гурав дахь вариант нь өнөөх л дээд үеийн ах нар буюу 60-аад оны төлөөлөл Я.Санжмятав. “Хуучин бууны хугархай” түүний хувьд “ЭКС” Ерөнхийлөгч Х.Баттулгын Хөдөө, аж ахуйн асуудал хариуцсан зөвлөх мөн Хөдөлмөрийн сайдаар ажиллаж байсан билээ.
Түүнчлэн, 2004, 2012, 2016 онд УИХ-д суудал авч байв. Үүгээр зогсохгүй, 2008 оны сонгуульд “өвдөг” шороодоод, Завханы Засаг даргаар илгээгдэж билээ.
Туршлагыг нь харвал байж болох юм. Гэхдээ АН-ынхан одоо салхи оруулж, залуу үеэрээ удирдуулмаар. АН-ынхан 60, 70-аад оныхныг сонгож байхад эсрэг талын айл нь 90-ээд оны залууг дэд сайдаар ажиллуулж байх жишээний. “ГЕНСЕК” гэдэг бол маш хариуцлагатай албан тушаал. Өөрөөр хэлбэл, тухайн намыг УИХ-ын сонгуульд ямар үр дүнтэй оролцохыг шийддэг юм л даа. Олигтой хүмүүс нэр дэвшүүлж чадахгүй бол дахиад л бүдэрч унаж, өвдөг тохойгоо шалбалах нь ойлгомжтой.
Like
0
Зөв
0
0
Буруу
1
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
