Үндэсний их баяр наадам өнгөрснөөс хойш “допинг”-ийн хэрүүл тасраагүй. Тавын даваанаас хойш барилдсан 32 бөхөөс допингийн шинжилгээ авсан бөгөөд нэг бөхийн хариу нь ЭЕРЭГ гарсан. Тэр нь өнөө жилийн наадмын түрүү бөх, улсын арслан М.Бадарч юм.
Бөхчүүд, бөх судлаачид ярихдаа “Монголын допингийн эсрэг байгууллага 20 гаруй жил бөхчүүдийн хөдөлмөрөөр тоглолоо. Шударга ажиллаж чадахгүй байна” хэмээх байр суурийг илэрхийлээд байгаа билээ. Түүнчлэн,
Монголын допингийн эсрэг байгууллагыг “Санхүүгийн томоохон зөрчилтэй тул нэн даруй зөрчлөө арилга” гэж Дэлхийн допингийн эсрэг байгууллагаас хугацаатай үүрэг өгсөн. Үүргийг биелүүлээгүй тохиолдолд 2024 оны Парисын олимп төдийгүй, тив дэлхийн томоохон тэмцээнүүдэд Монголын баг, тамирчдыг “ЦАГААН ТУГ”-ийн дор оролцуулна гэдгийг мэдэгдээд буй.
Энэ талаар Олимп, нийтийн биеийн тамир, спортын үндэсний хорооны дарга Б.Бат-Эрдэнээс тодруулахад “Допингийн эсрэг үндэсний байгууллага нь 2017 оноос эхлэн улсын төсөв буюу татвар төлөгчдийн хөрөнгөөс санхүүжилт авч ирсэн. Тухайлбал,
2020 онд 400 гаруй сая төгрөгийн санхүүжилт авсан. Хууль, тогтоомжийн дагуу дээрх санхүүжилтийг зарцуулсан тайлангаа гаргаж өгөх ёстой байдаг. Тус байгууллагын тухайд, тайлангаа Биеийн тамир, спортын үндэсний хороонд өгсөн гэх бөгөөд ҮАГ-аас “Санхүүжилтээ зориулалтын бусаар ашигласан” гэх аудитын дүгнэлт гарсан” хэмээн тайлбарлалаа.
Ташрамд дурдахад, Монголын Допингийн эсрэг байгууллагыг “элэгний” хэмээн нэрээр алдаршсан Ж.Хатанбаатар удирдаг юм. Өөрөөр хэлбэл, Ж.Хатанбаатарын балгаар Монголын баг тамирчид олимпод өөрийн орны нэр дээрээс оролцохгүй байх эрсдэл үүсээд байна.
Like
0
Зөв
0
1
Буруу
0
Воов
0
Уйтгартай
0
Дуртай
Улсын бүртгэлийг нь татан буулгая.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
