Монгол цэргийн нэгдсэн холбоо Олон улсын ахмадын баярыг угтаж төрийн цэргийн болон хууль сахиулах байгууллагуудын ахмадын хороодын дунд “ҮЛЭЭВЭР ХӨГЖМИЙН АЯЛГУУНД ХӨЛ НИЙЛҮҮЛЭН БҮЖЬЕ” нийтийн цэнгээнт бүжгийн тэмцээнийг ФОКСТРОТ клубт зохион байгууллаа.
МЦНХ-ны Ерөнхий нарийн бичгийн дарга Ц.Тогоо: “Монгол Улсын Ерөнхийлөгчийн дэвшүүлсэн “ЭРҮҮЛ МОНГОЛ ХҮН ” хөдөлгөөн улс орон даяар идэвхтэй өрнөж байна. Энэ хүрээнд МЦНХ-ноос ахмадуудынхаа дунд олон ажил, арга хэмжээ зохион байгуулж байгаа бөгөөд өнөөдөр анх удаа нийтийн цэнгээнт бүжгийн тэмцээн зохион байгуулж байна. Бүжгийн спорт бол амьдралын эрүүл хэв маяг билээ. Энэ тэмцээнийг цаашид жил бүр уламжлал болгон зохион байгуулах нь зүйтэй” гэв.
Тэмцээнд 7 байгууллагын 18 хос оролцож, нийтийн бүжгийн 5 төрлөөр өрсөлдөж, ЗХЖШ-ын хос (Б.Бат-Эрдэнэ, Д.Дэжидмаа) тэргүүн байр, ХХЕГ-ын хос (Х.Энхтүвшин, Ц.Энхтуяа ) дэд байр, ШШГЕГ-ын хос (Л.Баттулга, Ч.Энхтуяа) гутгаар байр, БХЯ-ны хос (Р.Цогтбаяр, Ж.Туяа) тусгай байр тус тус эзэллээ.
Тэмцээнд оролцсон нийт баг тамирчиддаа баяр хүргэж, төрийн цэргийн болон хууль сахиулах байгууллагуудынхаа нийт ахмадуудад Олон Улсын Ахмадын баярын мэндийг өргөн дэвшүүлье.
МОНГОЛ ЦЭРГИЙН НЭГДСЭН ХОЛБОО
Like
3
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
