MONADA буюу Монголын “Допингийн эсрэг үндэсний байгууллага”-ын тэргүүн Ж.Хатанбаатар болон түүний хүргэн, гүйцэтгэх захирал М.Мөнхболд нарын албан өрөө, гэрт АТГ-аас нэгжлэг хийж эхэлсэн талаар мэдээлсэн билээ. Эхний байдлаар тэдгээрийн өрөө, тасалгаанаас их хэмжээний допинг илэрч, холбоо тогтоож ажилладаг эмч, албан тушаалтнуудаа нэрлэсэн.
Үүгээр ч зогсохгүй Ж.Хатанбаатар бөхчүүд болон бусад тамирчдын шинжилгээний хариуг өөрийн цахим хаягаараа дамжуулан илгээж, нуун дарагдуулдаг байж болзошгүй нөхцөл байдал тогтоогджээ.
Өөрөөр хэлбэл, тэд хамаарал бүхий этгээдүүдтэйгээ “холбоо сүлбээ”-тэй ажиллаж, тамирчдын шинжилгээг “будилаан”-туулдаг гэсэн үг юм.
Үүнээс, өнгөрсөн хугацаанд шинжилгээний сорьцод нь “хориотой” бодис илэрч, шийтгэл хүлээсэн бөхчүүдийн шинжилгээг “будилаан”-туулсан гэх ХАРДЛАГА олон нийтэд төрөөд буй. Тодруулбал,
Улсын арслан Э.Оюунболдоос допинг илэрсэн гэх эхний тохиолдолд барилдах эрхийг нь найман жилээр хассан байдаг. Улмаар Э.Оюунболд 2021 оны арванхоёрдугаар сард Арбитрын шүүхэд гаргасан нэхэмжлэл нь амжилт олж, барилдах эрхийг нь сэргээсэн. Гэвч 2023 оны цагаан сарын барилдааны дараа мөн л допинг илэрч, эцэст нь найман жилээр хасав.
Хоёр, Өнөө жилийн үндэсний их баяр наадмаар ес даван түрүүлсэн Улсын арслан М.Бадарчийн шинжилгээнд “Бүх цаг үед хориотой” гэх бодис илэрснээр түүний барилдах эрхийг 2027 оны долдугаар сарын 12 хүртэл хасаж, арслан цолыг нь хураагаад зогсохгүй, түүнд унасан бөхчүүдэд цол чимгийг нь нөхөн олгохоор болсон. Ташрамд дурдахад, М.Бадарч нь эхний шинжилгээний хариугаа хүлээн зөвшөөрөөгүй тул “Б” сорьцын шинжилгээ өгсөн гэдгийг та бүхэн санаж буй биз ээ...
Ийнхүү Монголын допингийн байгууллага хэрхэн авлигад ялзарч, бузар булхай үүрлэж байсан нь эхнээс илрээд байна. Магадгүй дээрх хоёр жишээ “но”-той болох нь тогтоогдвол хоёр арсланд оноосон шийтгэлийг эргэн харж, барилдах эрхийг нь сэргээх юм.
Like
6
Зөв
1
0
Буруу
0
Воов
1
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
