Эрчим хүчний сайд Б.Чойжилсүрэн нийслэлээс гаргасан бондын санхүүжилтээр БНХАУ-аас хагас кокс импортолж, энэ өвөл туршиж үзэхээр болсон. Анх 177.5 тэрбум төгрөгөөр гэр хорооллын айл өрхүүдэд туршина гэж байсан ч сүүлдээ 31.7 тэрбум төгрөгөөр Нисэх, Яармаг, Налайх, Дарханы гэр хорооллын бүсэд туршихаар болсон юм. Ингэхдээ тэрбээр "Том алдаа хийхээсээ өмнө энэ байршлуудад туршаад үзье" гэх тайлбарыг хэвлэл мэдээллийн хэрэгслээр дамжуулж, олон нийтэд өгсөн. Нэг ёсондоо дээр дурдсан бүсийн иргэд "ТУРШИЛТЫН ТУУЛАЙ" болно гэсэн үг.
Тэгвэл ерөнхийдөө, энэ өвөл хийх туршилт "хударч" байх шиг байна. Өнөөдөр /2023.10.11/-ийн Засгийн газрын хуралдааны дараа Эрчим хүчний сайд Б.Чойжилсүрэн тайлбар өгөхдөө "Туршилтын санхүүжилт нь нийслэлийн төсвөөс гарна. Харин нийслэлийн бондын ажил тодорхойгүй хугацаагаар зогссон, Хотын дарга солигдож байгаа учраас энэ өвөл амжихгүй болж байх шиг байна. Энэ долоо хоногт албан ёсоор томилогдох Хотын шинэ дарга туршилтыг цааш үргэлжлэх эсэхийг шийднэ" гэлээ.
Өөрөөр хэлбэл, Хотын даргаар томилогдохоор зэхэж буй Х.Нямбаатар хагас коксын туршилтын хувь заяаг шийдэх болоод байна.
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
