“Нарны хүү, сарны охин” ХХК-ийн захирал Д.Гүрсоронз, Д.Дариймаа нар нь 456 иргэнээс байрны урьдчилгаа нэрээр 8 тэрбум гаруй төгрөг залилсан хэрэг 2019 оны наймдугаар сард гарсан. Тус хэрэгт Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүх энэ оны нэгдүгээр сарын 18-ны өдөр хэргийг хэлэлцээд нэмэлт ажиллагаа хийлгэхээр прокурорт буцаах шийдвэр гаргасан байдаг.
Тэгвэл прокурор хэрэгт дахин яллах дүгнэлт үйлдэн 8 тэрбум 644 сая 301 мянга 580 төгрөгийн хохирол бүхий 456 хохирогчид холбогдох 69 хавтаст хэрэг шүүхэд ирүүлсэн байна.
Шүүх хуульд заасан хугацаанд хэргийг хянан шийдвэрлэх ажиллагааг явуулж яллагдагчийн өмгөөлөгчийн 2021 оны долдугаар сарын 30-ны өдөр гаргасан хүсэлтийг хүлээн авч, Д.Гүрсоронз нарт холбогдох эрүүгийн хэргийн гэм буруугийн шүүх хуралдааныг өнөөдөр /2021.08.30/ явуулсан юм. Шүүх хуралдаан эхэлсэн боловч шинжээч Д.Мөнхцэцэг, Д.Баяраа, Г.Чинтуяа, С.Наранцэцэг нар шүүх хуралдааны товыг мэдсэн боловч хүндэтгэн үзэх шалгаангүйгээр шүүх хуралд ирээгүй, мөн шүүгдэгч Д.Гүрсоронз дахин хоёр өмгөөлөгч авч, хэргийн материалтай танилцуулах хүсэлт гаргасан байна. Тиймээс хэргийн оролцогч нар шинжээчдийг шүүх хуралд зайлшгүй оролцуулах хүсэлт гаргасныг шүүх хүлээн авч шүүх хуралдааныг 2021 оны есдүгээр сарын 20-ны 09.00 цаг хүртэл хойшлуулсан байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
