Говь-Алтай аймгийн оюутан, залуучуудын анхны чөлөөт холбоо болох “Ирээдүй-Алтай” холбоо Хязгаараа тэл аяны хүрээнд “ИНЭЭДЭГ УУТ” төслийг зохион байгуулж байна. Энэ талаар Ирээдүй-Алтай холбооны гүйцэтгэх захирал Д.Оюунсувдаас тодрууллаа.

-Ирээдүй-Алтай холбоо “Инээдэг уут” төсөл эхлүүлжээ. Төслийн талаар танилцуулаач?

-Энэ жил Ирээдүй-Алтай холбоо түүхт 20 жилийнхээ ойн хүрээнд олон нийгмийн шинж чанартай ажлуудыг зохион байгуулж байна. Ажлынхаа эхлэл болгож өнгөрсөн нэгдүгээр сард Говь-Алтай аймгийн бүх сумаар тойрч “ХЯЗГААРАА ТЭЛ” хөгжлийн форумыг зохион байгуулсан юм. Энэхүү форум маш үр дүнтэй болж иргэд хөдөлмөрчид, залуучууд дахин сумдаар ирэх хүсэлт тавьсаар байна. Дээрх форум нэг ч гэсэн залуу хүний зүрх сэтгэлд гэрэл асаах зорилготой соёл, гэгээрлийн ажил байсан гэж хэлж болно. Энэ удаад Ирээдүй-Алтай холбоо нь “ХЯЗГААРАА ТЭЛ” аяны хүрээнд “ИНЭЭДЭГ УУТ” нэртэй хүмүүнлэгийн төслийг хүүхэд бүрийн хүсэл биелэг уриан дор санаачлан зохион байгуулж байна. Төсөл Говь-Алтай аймгийн бүх суманд хэрэгжинэ.

Шинэ жилээр хүүхдүүд хүслээ хэлж, өвлийн өвгөнөөс бэлэг авдаг аа. Бяцхан дүү нарынхаа хүслийг биелүүлж, хүүхдийн инээх нэг шалтгаан нь болъё гэж хүссэн юм.

Уг төслийг МЭХ-ны Говь-Алтай салбар холбоо, Говь-Алтай аймгийн Хүүхэд, гэр бүлийн хөгжил, хамгааллын газрын хамт олон хамтран зохион байгуулж байгаад баяртай байна. Төсөлд хүн бүр зүрх сэтгэлээрээ оролцох боломжтой.

-Төсөлд иргэд хэрхэн яаж оролцох вэ?

- Хүмүүнлэгийн ажилд нэгдэхийг хүсвэл хувцас, ном, тоглоом, бэлэг гээд хүүхдэд хэрэгцээтэй зүйлсийг хандивлах боломжтой. Мөнгөн дэмжлэг үзүүлэг оролцох боломжтой. Юу байна түүгээрээ хандивт нэгдэхэд нээлттэй. Түгээлтэд Ирээдүй-Алтай холбооны сумын салбар зөвлөлийн идэвхтэнүүд, МЭХ-ны Говь-Алтай салбарын сум хариуцсан тэргүүнүүд нэгдэнэ.

Аянд нэгдэж бэлэг өгч байгаа хүмүүс өөрсдөө бидэнтэй хамтраад бэлгээ түгээж болно. Манай холбооны салбар зөвлөлийн дарга нартай хамт нэгдсэн зохион байгуулалтад орж хамтдаа оролцоно гэсэн үг.

-Хандивыг хэрхэн хаана хүлээн авах вэ?

-Хэрэв та “ИНЭЭДЭГ УУТ” төсөлд мөнгөн хандив өргөхийг хүсвэл Д.Оюунсувд ХААН банкы 5169847379 тоот дансанд нэрээ, сумаа бичээд шилжүүлж болно. Шилжүүлэг хийсэн мэдээллээ манай пэйж хуудасны чатаар явуулна.  Мөн Улаанбаатар хотод энэ сарын 26-ныг хүртэл СУИС-ийн урд Пэйс буйлдинг оффиссын 306 тоотод хүлээн бэлэг хүлээн авч байгаа. Есөнбулаг сумд Буудай төвийн 1 давхарт Nara fashion дэлгүүрт хүлээн авна.

-Зөвхөн хандивын аянаас гадна зураг, захидалын уралдаан зарласан байна лээ? Хүүхдүүд яаж оролцох вэ?

-Говь-Алтай аймгийн 18 сумын хүүхдүүдийн идэвх оролцоог хангах үүднээс 5-10 насныхны дунд гар зураг, 11-14 нас, 14-18 насны ангилалд захидалын уралдаан зарласан. Ангилал тус бүрт нэг хүүхэд шалгаруулах юм. Энэ сарын 27, 28-ний өдрүүдэд бүх сумд нэгэн зэрэг “ИНЭЭДЭГ УУТ” аян явагдана. Харин Есөнбулаг сумын тухайд энэ сарын 29-ны өдөр МАЗААЛАЙ ТЕАТР-т “ИНЭЭДЭГ УУТ” өдөрлөг зохион байгуулагдана. Уг өдөрлөгт оролцох хүсэлтэй хүүхэд багачууд ямар нэгэн хүмүүнлэгийн ажил өрнүүлж түүнийгээ зургаар баталгаажуулан МЭХ-ны Говь-Алтай салбарт илгээснээр “Инээдэг уут” өдөрлөгт оролцоно. Нэгэн ёсондоо  хамгийн олон хүмүүнлэг хүүхдүүд нэг дор цуглана гэсэн үг юм.

Та бүхэн “ИНЭЭДЭГ УУТ” хүмүүнлэгийн төсөлд хамрагдахыг хүсвэл “Ирээдүй Алтай” холбооны салбар зөвлөлийн дарга нартай холбогдоорой.

1. Алтай сум - Л.Зандаряа 95141363
2. Баян-Уул сум - А.Номин-Эрдэнэ 95141363
3. Бигэр сум - С.Гэгээнзаяа 99666646
4. Бугат сум - Д.Сонинбаяр 85662485
5. Дарив сум - Б.Одмаа 99487776
6. Дэлгэр сум - Г.Монголжингоо 94489404
7. Жаргалан сум - Г.Батчимэг 89939016
8. Тайшир сум - Д.Ариунзаяа 99958185
9. Тонхил сум - О.Тэргэл 99531060
10. Төгрөг сум - Д.Мөнгөнсүх 85250501
11. Халиун сум - А.Хүдэрчулуун 89908953
12. Хөхморьт сум - Д.Оюунсувд 94888780
13. Цогт сум - Б.Гантөгс 90446410

•  Б.Эрхдарь дэд - 95510447

14. Цээл сум - М.Хонгорзул 99547155
15. Чандмань сум - Д.Мөнхбилэг 80512199
16. Шарга сум - А.Арвинжаргал 90260556
17. Эрдэнэ сум - Д.Номин-Эрдэнэ 88954100
18. Есөнбулаг сум - Г.Мөнхдаваа 85191799

• Т.Сарантуяа дэд дарга  85352203
• М.Анхтуяа дэд дарга 89449192
• Д.Дүүрэнбаяр дэд дарга 80544780
• Б.Мичидмаа дэд дарга 88572606

Дэлгэрэнгүй мэдээллийг 94888780, 99050215 дугаараас лавлаарай.

Төр.мн