Төрийн алба, Төрийн өмчит хувьцаат компаниудад АВЛИГАЧИД битүү шургалжээ. Тэд салбартаа олон жил ажилласан, тэр хэрээр салбарыг бүхэлд нь “ХАЙРЦАГЛАЖ” эрх ашгаар нэгдэн фракц үүсгэсэн. Татвар төлөгчдийн мөнгийг “ХУМСАЛЖ”, өөрсдөө хөлжиж баяжсан, авлига, хээл хахууль авч хөрөнгөжсөн байна.
АТГ-т яам, агентлаг, ТӨХК-иудын хэд хэдэн удирдлагыг авлигалын хэргээр шалгаж байна.
Түүний нэг нь Татварын ерөнхий газрын дэд дарга Ц.Цогтжаргал. АТГ-аас албан тушаалын гэмт хэрэг үйлдсэн, үндэслэлгүй хөрөнгөжсөн гэх үндэслэлээр гэрт нь болон ажлын байранд нь нэгжлэг хийж баривчлан саатуулаад байна. Түүнийг хууль бусаар олсон мөнгөөрөө эртний эдлэл худалдан авдаг байж болзошгүй хэмээн үзэж мөрдөн шалгах ажиллагаа хийж байгаа аж.
Д.Цогтжаргал нь өмнө нь татварын орлогын газрын даргаар ажиллаж байсан. Өөрөөр хэлбэл татварын орлогыг гол бүрдүүлдэг газрыг удирдаж байсан гэсэн үг. Өнөөдөр үйл ажиллагаа явуулж буй ААН-үүдэд татварын дарамт шахалт асар их бий. Энэ хэрээр авлига далд хэлбэрээр явагддаг. Энэ тухай ч ААН-үүд баримттай мэдээлдэг, татвараар ХӨЛЖСӨН этгээдүүдийн хэрэг ч олон нийтэд ил болж байв.
Тэгвэл хамгийн их авлига цэцэглэсэн гэх Татварын ерөнхий газрын дэд дарга Ц.Цогтжаргал авлигын хэргээр ийнхүү саатуулагдан, шалгагдаж байна.
Эрх мэдэл албан тушаалаа урвуулан ашиглаж татварын байцаагчдын хяналт шалгалтаар тогтоосон акт, нөхөн төлбөр, хүү, алдангийг бууруулан танил талдаа давуу байдал олгосон байж болзошгүй гэж үзэн шалгаж байгааг эх сурвалж мэдээллээ.
Түүний орлого сүүлийн гурван жилд огцом өссөн байна.
Төр.мн
Б.БАДАРЧ
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
