“Аймгуудын өрсөлдөх чадварын тайлан-2023” ямар үзүүлэлттэй гарсныг Эдийн засгийн бодлого, өрсөлдөх чадварын судалгааны төвөөс танилцууллаа.
Жил бүр гардаг энэ судалгаагаар зарим аймгууд өрсөлдөх чадвараа ахиулсан бол жилээс жилд сүүл мушгидаг хэдэн аймаг жагсаалтын хойгуур дахин бичигджээ.
Тус үнэлгээг эдийн засгийн тамир тэнхээ, засаглалын үр ашиг, бизнесийн ашигт ажиллагаа, дэд бүтэц гэсэн үндсэн дөрвөн бүлгээр гаргадаг бөгөөд зохих оноогоор дүгнэдэг байна. Энэ жилийн өрсөлдөх чадварын тайланд Орхон аймаг засаглалын үр ашиг сайтай, дэд бүтцийн хөгжил тун сайн, бизнесийн үг ашиг өндөр uэсэн үзүүлэлтээр тэргүүлжээ.
Харин Говь-алтай аймаг дэд бүтцийн хөгжил муу, бизнесийн үр ашиггүй гэсэн бол засаглалын хувьд үр ашиг буурсан нь ийнхүү сүүл мушгихад нөлөөлжээ.
Төв аймаг 13 оноо, Ховд аймаг 12 оноо, Баян-Өлгий аймаг 10 оноо, Дархан-Уул аймаг 9 оноогоор өссөн нь өрсөлдөх чадварын ерөнхий оноогоо хамгийн ихээр ахиулсан үзүүлэлт юм.
Харин Говь-Алтай аймаг 12 оноо, Завхан аймаг 9 оноогоор буурсан нь өрсөлдөх чадварын ерөнхий оноо хамгийн ихээр буурсан үзүүлэлт юм.
Өмнөх оны үр дүнтэй харьцуулахад Говь-Алтай, Завхан аймгуудын өрсөлдөх чадварын ерөнхий оноо хамгийн их буурсан байна. Говь-Алтай аймгийн засаглалын үзүүлэлтүүд, Завхан аймгийн эдийн засаг, санхүүгийн үзүүлэлтүүд буурсан нь өрсөлдөх чадварын оноо буурахад түлхүү нөлөөлсөн гэж Эдийн засгийн бодлого, өрсөлдөх чадварын судалгааны төвөөс танилцуулав.
Like
1
Зөв
0
1
Буруу
0
Воов
0
Уйтгартай
1
Дуртай
Амгаланбаатар гэж татвар төлөгчдийн мөнгийг гарын салаагаараа урсгаж буй дураараа шаар юм аа... үүнийг зайлуулж байж Говь-Алтай хөгжинө. Дорнод аймаг, Булган аймагт ажиллаж татвараа улсдаа төлж байгаа бүх хүний мөнгийг нэг хөдөөний аймгийн засаг дарга гарын салаагаараа цацаж байна..
© 2013-2023. Вэб сайт бүтээсэн: Tsast Solution LLC
