Нийслэлийн бизнес Инновац хөгжлийн газар, Монголын үндэсний худалдаа аж үйлдвэрийн танхим хамтран инновац, эрчим хүчний үр ашиг, сэргээгдэх эрчим хүчний олон улсын үзэсгэлэн, хурлыг энэ сарын 18-ний өдрийг дуустал зохион байгуулж буй.
Олон улсын үзэсгэлэнд БНХАУ, ОХУ болон үндэсний 50 гаруй компаниуд оролцож инновац, эрчим хүчний үр ашиг, сэргээгдэх эрчим хүчний технологийг танилцуулж байгаа юм.
Мөн арга хэмжээний үеэр эрчим хүчний салбарын өнөөгийн байдал, системийн үйлдвэрлэл, хэрэглээ, хэмнэлтийн бодлогын хэрэгжилт, дулааны эрчим хүчний хэмнэлт, хэрэглээнд суурилсан дулааны эрчим хүчний төлбөр тооцоог нэвтрүүлэх, шинэ дэвшилтэт техник, технологи, эрчим хүчний хэмнэлт, сэргээгдэх эрчим хүчний хэрэглэг нэмэгдүүлэх боломж зэрэг сэдвээр хэлэлцүүлэг өрнүүлж байна.
Өнөөдөр үзэсгэлэн, хурлын нээлтийн арга хэмжээ боллоо. Энэ үеэр нийслэлийн Засаг даргын эдийн засгийн хөгжил, дэд бүтцийн асуудал хариуцсан нэгдүгээр орлогч П.Сайнзориг "Улаанбаатар хотын агаар, орчны бохирдлыг бууруулах, гэр хорооллыг орон сууцжуулах зэрэг цаашдын тогтвортой хөгжил, уур амьсгалын өөрчлөлт, ногоон хөгжилд хувь нэмрээ оруулах үүднээс нийслэлийн зүгээс сэргээгдэх эрчим хүчний эх үүсвэрийг төрөл бүрээр дэмжиж ажиллана. Энэ чиглэлийн үнэ, тарифын бодлого, хөрөнгө оруулагчдын таатай нөхцөлүүдийг бий болгох зорилгоор холбогдох төрийн байгууллагуудтай хамтран тодорхой ажил арга хэмжээг хэрэгжүүлэхээр төлөвлөж байна" гэв.
Ташрамд, үзэсгэлэнгийн үеэр дараах бүтээгдэхүүн үйлчилгээг иргэд, олон нийтэд танилцуулж байна. Үүнд:
- Сэргээгдэх эрчим хүчний эх үүсвэр, нарны цахилгаан, дулааны эрчим хүчний үүсгүүр, системийн суурилуулалт
- Дулааны насос, агаар сэлгэлт
- Ногоон зээлийн санхүүжилтийн зөвлөгөө
- Эрчим хүчний хэмнэлттэй эко халаалтын системийн бүтээгдэхүүн
- Эрчим хүчний ухаалаг дулааны тоолуур, орон сууцны өрөөний халаалтын удирдлагын систем
- Эрчим хүчний хэмнэлттэй цахилгаан хэрэгсэл, лазер принтер
- Эрчим хүчний ухаалаг бүртгэлийн апликейшн
- Монгол гэрийн халаалтын шийдэл, баттерей хуримтлуурын систем
- Ахуйн ус цэвэршүүлэгч, насос
Like
0
Зөв
0
0
Буруу
0
Воов
0
Уйтгартай
0
Дуртай
“Цэгцрэх хөдөлгөөн”-д хууль сахиулах байгууллагын хувь нэмэр чухал
© 2013-2023. Вэб сайт бүтээсэн: Tsast Solution LLC
