Нийслэлийн Аялал жуулчлалын газар, “Тэнгэр тайлал” НҮТББ-тай хамтран тавдугаар сарын 25,26-ны өдрүүдэд Хүй долоон худагт “Тэнгэр” олон улсын бөөгийн фестиваль зохион байгуулна.
Улаанбаатар хотод тусгай сонирхлын аялал жуулчлалыг хөгжүүлэх замаар олон улсын жуулчдыг татах, өв уламжлалаа түгээн дэлгэрүүлэх, нүүдэлчин угсаатны уламжлалт ёс заншлын салшгүй чухал соёлын өв болох бөөгийн ёс заншил, зан үйлийг олон улсад сурталчлах зорилгоор “Тэнгэр” олон улсын бөөгийн фестивалийг хоёр дахь жилдээ зохион байгуулж байна.
Фестивальд Монгол, БНСУ, Франц, Польш, АНУ, Канад, ОХУ, Хятад, Япон, Солонгос зэрэг 27 улсаас 900 гаруй бөө мөргөлчид ирж оролцох бөгөөд тухайн улсынхаа бөөгийн үүсэл хөгжил, онцлог, уламжлал, ёс заншлыг үзүүлж, сонирхуулна.
Мөн энэ үеэр Нарны тахилга, Бөөгийн туг сүлд залах ёслол, Дэлхийн амар амгалангийн төлөөх бөөгийн зан үйл, Галын тахилга болон Гадаад улсуудаас хүрэлцэн ирсэн төлөөлөгчид бөөгийн зан үйл үзүүлнэ. Түүнчлэн хүрэлцэн ирсэн үзэгч, оролцогч гадаад, дотоодын бөө нарт зориулан язгуур урлагийн тоглолт, шувуучлахуй, морин харвааны үзүүлбэр, цирк, шүхрийн үзүүлбэр, морин циркийн үзүүлбэр болон орон орны бөөгийн өв соёлтой танилцах отгуудаар зочлох, зураг хөрөг даруулах, сорь унах, тэмээ унах, цаа буга унах, үхэр тэрэг унах, олон үндэстний хоолны өргөө, нум сум харвах, шагай наадгай зэрэг олон сонирхолтой арга хэмжээ болох юм.
Like
0
Зөв
0
0
Буруу
0
Воов
0
Уйтгартай
0
Дуртай
“Цэгцрэх хөдөлгөөн”-д хууль сахиулах байгууллагын хувь нэмэр чухал
© 2013-2023. Вэб сайт бүтээсэн: Tsast Solution LLC
