Саяхан даа. Сонгинохайрхан дүүрэг нийслэлийн хамгийн буурай дүүргээр тодорхойлогдож, хөгжилгүйгээр дуудуулж байсан. Саппора, Хархорин, Драгон, Таван шар орчмыг эргээд төсөөлбөл ярих юм биш.
Талаар нэг архичид цугласан, хүн хөл гишгэх зайгүй болтол байрлуулсан ТҮЦ-үүд, тэдгээрийг дагасан хур хог. Улмаар орчны бохирдол үүсэж, өвчний шалтгаан ч болж байсан. Нэгдүгээр хорооллыг дурдвал, сул шороогоор дүүрсэн, ашиггүй талбай байв. Арга ч үгүй биз. Бие даасан төсөвгүй, нийслэлийн төсвөөс хараат байсан юм.
Харин 2020 оны аравдугаар сарын 30-нд Наранцэцэгийн Алтаншагай гэх залуу тус дүүргийн Засаг даргаар томилогдсон байдаг. Түүний хувьд Засаг даргаар ажиллаж эхэлснээр СХД-ийн хөгжлийн эхлэл тавигдсан гэдэг. Тэрбээр дүүргийнхээ өнцөг булан бүрд тулгарсан асуудлыг шат шатны байгууллагуудад уламжилж, асуудлын шалтгааныг сууриар нь олж харсан нь түүний давуу тал байгаад зогсохгүй, дүүргийн их хөгжлийн суурийг тавьсан байна.
Өнгөрсөн дөрвөн жилд Сонгинохайрхан дүүрэг хамгийн их хөрөнгө оруулалт хийж, бүтээн байгуулалт хийжээ. Энэ бол дүүргийн Засаг дарга нь нийслэлийн удирдлагууд, УИХ-ын гишүүн буюу төрийн түшээдтэйгээ уялдаа холбоотой ажилласны үр дүн.
Ямартаа л “Хүний дүүрэг нүдэн дээр хөгжөөд байхад...” гэж сэмхэн атаархах вэ дээ. Энэ бол эрч хүчтэй хамт олны үр дүн гэдэгт эргэлзэхгүй байна. Нэгэн цагт “Хотын хөдөө” гэж дуудуулж байсан нь түүх болон үлджээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
