Улсын томоохон сургуулийн эгнээнд зүү ёсоор багтдаг ШУТИС-ийг Өмнөговь аймагт шинээр нээх талаар ажлын хэсэг томилогдон ажиллаж байгаа билээ. Тодруулбал, Боловсрол, шинжлэх ухааны дэд сайд Г.Ганбаяраар ахлуулсан ажлын хэсэг Өмнөговь аймагт ажилласан. Г.Ганбаяраар ахлуулсан ажлын хэсэг тус аймагт геологи, уул уурхай, технологийн чиглэлээр ШУТИС-ийн харьяа сургуулийг тус аймагт шинээр байгуулах асуудлаар аймгийн удирдлагуудын хүрээнд уулзалт зохион байгууллаа.
Өмнөговь аймагт их, дээд сургуулийг “Сургалт-эрдэм шинжилгээ-үйлдвэрлэлийн цогцолбор” болгон орон нутагт хөгжүүлэх ажлын төлөвлөгөөг, орон нутгийн онцлог, бүсчилсэн хөгжлийн үзэл баримтлалд нийцүүлэн ШУТИС-тай хамтран боловсруулах юм. Их сургуулийн хотхоныг Даланзадгад хотод 15 га талбайд байгуулахаар төлөвлөснийг аймгийн удирдлагууд танилцуулжээ. ШУТИС-ийн хувьд харьяа сургууль байгуулж байсан туршлагатай сургууль юм.
Мөн үеэр ШУТИС-ийн захирал Б.Очирбат, Өмнөговь аймгийн Засаг дарга Р.Сэддорж нар хамтын ажиллагааны санамж бичиг байгуулжээ. Санамж бичгийн хүрээнд аймагт уул уурхай, төмөр зам, эрчим хүч, барилга, мэдээллийн технологийн салбаруудад бэлтгэх, харьяа сургуулийг байгуулах чиглэлд хамтран ажиллахаа мэдэгдсэн байна
Сургуулийн хөтөлбөрийн давхардалгүй байх замаар геологи, уул уурхай, технологийн чиглэлийн мэргэжилтнийг бэлтгэнэ. Учир нь орон нутагт суралцах оюутнуудад зориулж сургалтын төлбөрийн хөнгөлөлт, тэтгэлэг олгох, багш, ажилтны орон нутагт тогтвор суурьшилтай ажилласны тэтгэмж олгох эрх зүйн орчныг бүрдүүлэх асуудлыг үе шаттайгаар хэрэгжүүлнэ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
