Менингококкт халдвараас урьдчилан сэргийлэх хамгийн сайн арга нь хоолойгоо зайлах

Төр.мн I www.tur.mn

2025-02-03

ХӨСҮТ-өөс цаг үеийн асуудлаар мэдээлэл хийлээ.

2025 онд батлагдсан нэг тохиолдол бүртгэгдэж нас барсан. Одоогоор өөр батлагдсан тохиолдол байхгүй. Өнөөдрийн байдлаар 2 сэжигтэй тохиолдол ХӨСҮТ-д хэвтэн эмчлүүлж байна. Биеийн байдал нь дунд, тууралт нэмэгдээгүй, эмчилгээ хэвийн үргэлжилж байна. Шинжилгээний хариу хүлээгдэж байгаа бөгөөд 2 сарын 4, 6-нд эцэслэгдэж гарна

Урьдчилан сэргийлэх талаар тодруулсан сэтгүүлчийн асуултад, Менингококкт халдварын вакциныг тархвар судлалын заалтаар голомтод хийдэг. Сайн дурын үндсэн дээр хийдэг учраас масс маягаар бүх нийтийг хамруулан хийдэггүй. Голомтод байгаа ойрын хавьтлуудад л хийдэг.

Урьдчилан сэргийлэх хамгийн сайн арга нь хоолойгоо зайлах. Менингококкт халдварын үүсгэгч нь хоолой орчимд 2-8 хоног байдаг. Мөн насанд хүрэгчдийн 15 орчим хувь нь эрүүл нян тээгч нар байдаг.

Өөрсдөд нь шинж тэмдэг илрэхгүй, өвчлөл үүсэхгүй атлаа бусдад халдвар тараадаг гэсэн үг. Зарим хүмүүс хааяа хүйтэн юм уухаар хоолой тороод байна гэдэг. Тэр хүмүүс нян тээгч байх магадлал өндөр. Эдгээр эрүүл нян тээгч нарыг илрүүлэх хэцүү. Тиймээс сэжигтэй тохиолдол бүртгэгдсэн тохиолдолд 24 цагийн дотор ойрын хавьтлуудыг тогтоож байж дархлаажуулалтыг хийдэг.

Хамар, хоолойг зайлах уусмал бэлтгэх аргууд

- Давс, содын уусмал: Бэлтгэж найруулсан даруйдаа хоолойгоо зайлах хэрэгтэй. Чанараа амархан алддаг учраас зайлах бүрдээ шинээр найруулах шаардлагатай.
- Сармисны уусмал: 4-5 хумс сармис нунтаглаад 500 мл буцалсан халуун усанд хийгээд 5 минутийн дарааг хоолойг зайлна.
- Царвангийн уусмал: 1 литр цсанд 50 гр царван хийгээд 15-20 минут буцалгаж шүүгээр 5 литр усанд шингэлж бэлтгээд ердийн нөхцөлд 7 хүртэл хоног байлгаж хэрэглэх боломжтой.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.