Завхан аймгийн Баянхайрхан сумын нутаг дэвсгэрт ойн хүрэн баавгай бамбаруушийн хамт өнгөрөгч 9 дүшээр сарын 30 өдөр 12 салаа эвэртэй буга барьж идсэн тохиолдол гарсан байна. Бид Баавгай, Буга барьж идсэн талаар сумын Засаг дарга Б.Батсайханаас тодруулсан юм.
ЗАСАГ ДАРГА Б.БАТСАЙХАН: "ӨНГӨРӨГЧ 9 ДҮГЭЭР САРЫН 30 ӨДӨР ТӨӨНТ БАГИЙН МАЛЧИН С.ЦЭДЭНДАШ АХУЙН ХЭРЭГЛЭЭНИЙ ГАЛЫН МОД БЭЛДЭЖ ОЙГООР ЯВЖ БАЙХАД ТЭНГЭРТ ШУВУУД ҮЙМЭЭД БАЙХААР НЬ ОЧООД ХАРАХАД ХҮРЭН БААВГАЙ БАМБАРУУШТАЙГАА ХАМТ БУГА БАРЬЖ ИДСЭН БАЙСАН ГЭСЭН. ТӨӨНТ БАГИЙН ИРГЭН С.ЦЭДЭНДАШИЙГ ОЧИХОД БУГА БҮТНЭЭРЭЭ БАЙСАН. ХАРИН МАРГААШ НЬ ДАХИН ОЧИЖ ХАРАХАД ТАЛ ХУВИЙГ НЬ ИДСЭН БАЙСАН ГЭЖ БИДЭНД МЭДЭЭЛСЭН.
Энэ талын дуудлага 10 дугаар сарын 1 өдөр бидэнд ирсэн. Бид газар дээр очиж харахад бугын толгойн хэсэг болон бусад зүйлс нь үлдсэн байсан.
ОЙН ХАМГААЛАГЧ БОЛОН НУТГИЙН МАЛЧИД НАС БИЕД ГҮЙЦСЭН БУГА ГЭЖ ОДООГООР ДҮГНЭЖ БАЙГАА. УЧИР НЬ БУГЫН ЭВЭР 12 САЛАА БАЙСАН БӨГӨӨД НЭГ ТАЛДАА 6 САЛАА ЭВЭР БАЙСАН.
Өмнө нь манай суманд хүрэн баавгай буга барьж идсэн тохиолдол гарч байгаагүй. Үүнээс гадна бид ойр хавийн малчин өрхөд сэрэмжлүүлэг өгсөн. Өнөөдрийг хүртэл хүрэн баавгай “Төөнт” багийн нутаг дэвсгэрт байсаар байна.
ХҮРЭН БААВГАЙГ ХОЛДУУЛАХ АРГА ХЭМЖЭЭ АВЧ БАЙГАА Ч БАМБАРУУШ НЬ МОДОНД АВИРСАН. МӨН МОДНООС БУУХГҮЙ БАЙНА. ЭХ БААВГАЙ БАМБАРУУШАА САХИЖ СУУГААД ТУС ГАЗРААС ХОЛДОЖ ӨГӨХГҮЙ ГУРАВ, ДӨРӨВ ХОНОЖ БАЙНА.
Иймд бид малчдаа сэрэмжлүүлэг хүргэсэн байгаа. Баавгай хаанаас хэзээ гарч ирэн хот руу дайрахыг мэдэхгүй тул сонор сэрэмжтэй байгаараа гэж мэдүүлсэн" хэмээн сумын Засаг дарга Б.Батсайхан яриандаа хэлсэн юм.
ЗАВХАН АЙМГИЙН БАЯНХАЙРХАН СУМЫН НУТАГТ ХҮРЭН БААВГАЙ БУГА БАРЬЖ ИДСЭН Ч ӨНӨӨДРИЙГ ХҮРТЭЛ ХОЛДОН ЯВААГҮЙ БАЙНА
Like
2
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
