Улстөрч хүнд хүрээлэл дундаа болон нийтэд хүлээн зөвшөөрөгдөх легитм шинж маш чухал. Улс төр бужигнаж, учир замбараа нь олдохоо нэгэнт больж буй энэ цаг үед улстөрчдийн легитм чанар ялгарч буй нь сайшаалтай.
МАН-ын даргын өрсөлдөөнд үнэмлэхүй олонхын саналаар ялалт байгуулсан Д.Амарбаясгалан ба санал авч чадалгүй унасан Г.Занданшатар нарын хоорондын өрсөлдөөн нэгэнт төрийн төдийгүй улсын зовлон болоод хувирчихсан энэ үед УИХ-ын хоёр дэд даргын хэн нь хэн бэ гэдгийг дүгнэх шаардлага зүй ёсоор тавигдаж эхэллээ. Учир нь УИХ-ын гишүүдийн олонхын зүгээс Ерөнхий сайд Г.Занданшатарыг огцруулах бичгийг УИХ-ын дэд дарга Х.Булгантуяад өргөн барьснаар парламент хэлэлцэж эхэлсэн. Харин үүний дараа УИХ-ын дарга Д.Амарбаясгаланг огцруулах бичгийг З.Мэндсайхан тэргүүтэй гишүүд УИХ-ын дэд дарга Б.Пүрэвдоржид өргөн барьчихаад байна. Ингэхдээ УИХ-ын Тамгын газарт албан ёсоор мэдэгдээгүй бөгөөд өөр хоорондоо үгсэн хуйвалдах байдлаар огцруулах тогтоол өгч авалцсан процесс нь ямар ч протоколгүй өрнөсөн нь парламентын түүхэнд байгаагүй үйл явц болсон.
Тэгвэл Засгийн газар огцрох, УИХ-ын даргыг огцруулах гэсэн бичгүүд өргөн баригдсан энэ үед хэн чуулган даргалах вэ гэдэг асуудал үүсэх нь ойлгомжтой. Тиймээс УИХ-ын хоёр дэд даргын легитм шинж энд яригдаж таарна.
УИХ-ын гишүүдийн хэлж буйгаар хоёр бичигт алинд нь ч гарын үсэг зураагүй дэд дарга хурал даргалах нь зүй ёсны гэдэг асуудлыг хөндөж байна. Тухайлбал, УИХ-ын гишүүн Х.Тэмүүжин уг асуудлыг хөндөж, тухайн асуудлуудад гарын үсэг зураагүй хүн нь УИХ-ын чуулганаа удирдан явуулах нь зүйтэй гэсэн байр суурийг илэрхийлжээ. УИХ-ын дэд дарга Х.Булгантуяагийн хувьд аль ч бичигт гарын үсэг зураагүй байгаа бөгөөд харин нөгөө дэд дарга Б.Пүрэвдорж УИХ-ын даргыг огцруулах бичигт гарын үсэг зурсан байна.
Тэгэхлээр УИХ-ын чуулганы нэгдсэн хуралдааныг Х.Булгантуяа нь даргалж явуулах нь хамгийн зохимжтой бөгөөд аль нэг талын байр суурь руу хэлбийхгүй байх өндөр магадлалтай юм.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
