1. Амарбаясгалангийн гараар Оюун-Эрдэнэ МАН-ыг тогтсон даргагүй болгосон, улмаар Монгол Улсыг Ерөнхий сайд, УИХ-ын даргагүй байлгаж, Үндсэн хуулийн цэц, Ерөнхийлөгчийг дамнасан урт удаан хугацааны маргаан үүсгэж, улс орноор нь Зэлтэрийн гацаа руу түлхэн орууллаа. Амарбаясгаланг Бортээг, Адмениралтай холбож үе үе сүрдүүлчихээд байсан, энэ удаа бүр бурантагтай тэмээ шиг хөтөлсөөр байгаад УИХ-ын даргаас нь буулгаж, өөртэйгээ адил болгож авав. Одоо түүний гараар МАН-ыг самруулах ажиллагаа утгаараа эхэлнэ.
2. Монголыг Непалдахын тулд Лувсанжамц гишүүнийг сонгож авлаа, хамгийн ууртай, түрэмгий, хашгирсан хоолойг түүнээс гаргуулж, жагсаалтын 01т бичсэнийхээ хариуг хангалттай төлүүллээ, цаашдаа ч энэ төлбөр дуусаагүй. Харамсалтай нь Лувсанжамц бол бүлэглэлийн ивээлд багтсан, төрд крандуулсан, гадаадад өндөр төлбөртэй сургуульд сурсан залуу, эгэл монгол залуусын амьдралыг мэдэхгүй, хэлж байгаа үг, хийж байгаа үйлдэл нь зөрдөг. Нэг л мэдэхэд, өөрөө ч анзааралгүй Непалын боловсон хуулбар болчихсон байх вий.
3. Шударга 5-ын орчин үеийн дүрийг Сайнзоригоор ахлуулан бүрдүүлж эхэллээ. Энэ удаа Болормаа, магадгүй Ариунзаяа, нөгөө намаас шүүрт энэ тэрийн нэг нь орж ирж, эмэгтэй дүр төрх нэмнэ. Нам дамнасан шинэ цагийн Шударга5 баг бүрдүүлэх гэж хичээж байна. Удахгүй талбай дээр гарч, багш эмч нарын жагсаалын нүүрний хөшиг болоход гайхах хэрэггүй. Цалин нэмэх, үгүй нь тэдэнд хамаагүй, үймээн дэгдээх нь л чухал.
4. Багш, эмч нарын ажил хаялтаар дамжуулан, нийгмийг бухимдуулах арга эрэлхийлж байна. Оюун-Эрдэнэ, Номин хоёр Английн хөл бамбөгийн баг, Монгол хаан жүжигт хэдэн арван тэрбумыг нууцаар үрж явахын оронд өөрсдөө яагаад багш, эмч нарын цалинг ийм удаан төр барьчихаад нэмээгүйг бодоорой. Занданшатарын Засгийн газар харин 20 хувь ба цаашдаа түүнээс дээш гэсэн албан ёсны хувилбар гаргаж ирлээ.
5. Нараг углааштай ээжийн хуулбар болгон ашиглахаар чармайж, тэр нь ч үр дүнд хүрлээ, удахгүй талбай дээр нүцгэлдэг, эсвэл суулт зарладаг хувилбараар үргэлжлэх магадлалтай. Төрсөн ээж нарын жагсаал энэ тэр болгоод өргөжүүлж ч болзошгүй, угаасаа тав хоноод чуулганд ирнэ гэж Балхаа ах ч таагаагүй.
6. Одоо Оюун-Эрдэнийн ах нар МАН тар, УИХ тар гэсэн акц эхлүүлнэ. Улс орноо шууд хямрал руу түлхэж, өөрсдөө Зеленский маягийн баг бүрдүүлэхээр шуударч байна. Үүнд нь МАН-ыг унагаах зорилгоор АН хүч нэмнэ. Бүх юмыг шат шатанд нь доголдуулж, улс орноо тулах цэггүй болгож байгаад үймээн самуун дэгдээж, улмаар Зеленскийдэх гэж үүнийг нэрлэдэг юм.
7. УИХ-д 2026 оны төсөв хэлэлцэх боломж олгохгүй янаглан хорлож, долоо, долоо хоногоор хойш татсаар, 11 сарын 15 болчихвол энэ улс төсвийн бодлого ч үгүй, дээр нь парламентгүй болно.
8. Булгантуяа дараагийн Ерөнхий сайд, Нара Ерөнхий сайд байх боломжтой энэ тэр гэсэн үгэнд хууртах хэрэггүй. Нийгмийн оймсыг толгойд нь углах технологи гэдэг чинь энэ. Энэ хоёроос арай дээр хүн санал болгоход л толгой дохиж алга таших хэмжээнд цуцаана аа гэсэн үг.
9. Нийслэлийн зүгээс Нямбаатарын PR эрчимжинэ. Учир нь Амарбаясгалан бол зүгээр л золиос, бүх юмыг доргиох боломжтой албан тушаалтан байсан учраас ашигласан, УИХ-ын индрийг драмын театрын тайз болгоход энэ хүн хэрэгтэй байлаа, одоо хаяж болно. Харин Нямбаатар бол энэ төлөвлөгөөний гол зорилтот дүр. 
10. Засгийн газар нүүрсний хулгайг таслан зогсоомогц 2.6 их наядыг хэмнэж, эдийн засагт нааштай өсөлт дөнгөж мэдрэгдээд эхлэнгүүт зунжин төлөвлөсөн акцаа ийнхүү эхлүүлсэн, хаврын синдром хүртэл барихаар зэхсэн гэж хэлж болно. Учир нь нүүрс хулгайлахгүйгээр тэд амьдарч чадахгүй! Англид сурдаг хүүхдүүдийнхээ жилийн 60 мянган долларын төлбөрийг ч төлж дийлэхгүй, хэрэглээгээ дийлэхгүй, Занданшатар тэдний мөнгөний крантыг хаачихсан. Тиймээс улсгүй болж байгаад ч хамаагүй Тавантолгойг тэврээд үхэхээс буцахгүй дэээ.
11. Нэг хүний дарангуйлал энэ тэр гээд бас 20 жил ярьсан үлгэрээ хөөрхөн давтана, бид л харин Оюун-Эрдэнэ болон түүний ах нар хэмээх Ганц бүлэглэлийн хэмжээгүй эрхт дарангуйлалд хэт удсанаа олж харж байна. Баримт дэлгэгдэх тоолонд балай явснаа ойлгож байна даа. Удахгүй энэ улсын 45+ настнуудыг бүгдийг нь нэг аймаг юм уу сумд цуглуулж хорих байх.
12. Харин огцорсон Оюун-Эрдэнэ гуай одоо утсаа аваад, бах нь ханасан нүдээр чуулганы танхимыг тойруулан харангаа, "Ах аа, бүх юм ярьснаараа" гэж хэнд илтгэл тавьж байгааг чөтгөр л мэдэх биз эээ. Амарбаясгалан бол түүний зөвхөн бэрсээ авч үлдэхийн тулд түлхсэн хүү байлаа. Эхлээд өөрөө шударга ёсны тэмцлээ үргэлжлүүлнэ энэ тэр гээд баахан өвчигнөсөн, гэвч хэн ч хүлээж аваагүй тул найзыгаа найрын хоймроос шидэж өгөв. Зүй нь орлогоо л нотлох гээд явж байх ёстой хүн лд...

Эх сурвалж: Эмүжин