Сүүлийн үед бага насны хүүхдүүдтэй холбоотой хэрэг шил шилээ даран гарч байна. Тодруулбал, өнгөрөгч өдрүүдэд нярай хүүхдийг байрны орцонд үлдээсэн тохиолдол бүртгэгдээд удаагүй. Мөн уг хэргийн араас нярай хүүхдийн хамрын зөөлөн эдийг муур гэмтээж амь насанд нь хүрсэн харамсалтай хэрэг гарсан. Уг хэрэгтэй холбогдох зүйлсийг цагдаагийн байгууллагаас шалгаж байгаа билээ. Өнөөдрийн байдлаар хүүхдийн амь насанд хүрсэн гэх муурын дотор гэдсийг дурандах ажил үргэлжилж байна.
Энэ сарын байдлаар бага насны хүүхдийг хаясан тохиолдол нийслэлийн хэмжээнд дөрөв бүртгэгджээ. Одоогоор Хан-Уул дүүргийн нутаг дэвсгэрт байрлах хотхонд 20 хоногтой нярайг хаясан эцэг, эхийг цагдаагийн албан хаагчид хайж байгаа билээ.
Энэхүү асуудлыг шийдэх гарц гаргалгааг Монгол Улсын Эрүүгийн хуульд тусгаж өгснийг олон нийт төдийлөн мэддэггүй бололтой.
Монгол Улсын Эрүүгийн хуулийн 16.117.1.Төрүүлсэн болон үрчлэн авсан хүүхдээ хаясан, төөрүүлсэн бол хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, хоёр зуун тавин нэгээс гурван зуун цаг хүртэл хугацаагаар албадан ажил хийлгэх, эсхүл гурваас дээш зургаан сар хүртэл хугацаагаар баривчлах ял шийтгэнэ хэмээн заасан байдаг билээ.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
