МАН-ын 30 дахь Их хурал амжилттай үргэлжилж байна. МАН-ын дарга, Монгол Улсын Ерөнхий сайд Л.Оюун-Эрдэнэ энэ удаагийн Их хуралд “Эдийн засгийг эрчимжүүлэх шинэ сэргэлтийн бодлого”-оо танилцуулав. Энэ үеэр тэрбээр цар тахлын нөхцөл байдалтай холбоотойгоор эдийн засагт учирсан хүндрэл, бэрхшээл болон гарах гарц шийдлийн тухайд эрх баригч нам ямар бодлого хэрэгжүүлэн ажиллах талаар байр сууриа илэрхийллээ.
Тэрбээр цар тахлаас улбаалж, эдийн засаг -5.3 хувь хүртэл агшиж, 200 гаруй мянган ажлын байр бодитой эрсдэлд орсон нь 1992 оны нийгмийн шилжилтийн үетэй тоон утгаараа дүйцэх цаг үе байлаа хэмээн онцоллоо. Үргэлжлүүлэн тэрбээр “Өнгөрсөн зууныг тусгаар тогтнолоо дэлхий дахинд хүлээн зөвшөөрүүлэхийн төлөө байсан бол, ирэх зуунд эдийн засгийн тусгаар тогтнол, бие даасан байдлын төлөө зориулагдана. Эдийн засгийн тусгаар тогтнол, бие даасан байдал гэдэг нь эдийн засгийн бүтцийн хувьд олон тулгуурт, гадаад худалдааны хувьд нэг эсвэл хэсэг улсаас хэт хамааралгүй, дотоодын үйлдвэрлэлийн суурь хэрэгцээ бие даасан, эдийн засгийн өсөлт нь өөрийгөө тэтгэсэн, тогтвортой, хүртээмжтэй, ард иргэд нь эдийн засгийн эрх чөлөөтэй байхыг хэлнэ” хэмээн онцлоод
“Цар тахал Монгол Улсын эдийн засаг ямар эмзэг байгааг, хичнээн их хамааралтай байдгийг бодитоор мэдрүүллээ. Энэ асуудал үе үеийн Ерөнхий сайдуудын шаналал, сорилт байсан. Харин энэ удаад улс даяараа, ард иргэдээрээ ойлгон мэдэрч байгаа нь хугацаа алдалгүй шийдэл гаргах цаг ирсний дохио” гэдгийг онцоллоо. Тийм ч учраас эрх баригч нам эдийн засгийн тусгаар тогтнолын төлөөх “Зууныг эхлүүлэх зургаан сэргэлт” буюу шинэ сэргэлтийн бодлого хэрэгжүүлэхээ ийнхүү зарлалаа.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
