Нийслэл Улаанбаатар хотын түгжрэл хүн бүрийн толгой өвтгөхөөс гадна ажил амьдралд сөргөөр нөлөөлж буй хүчин зүйлс мөн юм. Тэгвэл түгжрэлийг бууруулах тал дээр Улаанбаатар хотын захирагч Д.Сумъяабазар хэд хэдэн санаачлагыг хэрэгжүүлэн ажиллана гэдгээ оны өмнө “Улаанбаатар хот, хөгжлийн чиг хандлага” чуулганд онцлон дурдсан. Энэ хүрээнд түгжрэлийг бууруулах зорилгоор ажлуудаа хэрэгжүүлэхээр эхэлсэн байна. Тодруулбал, тэрбээр ерөнхий боловсролын 63 сургуулийн удирдлагатай уулзаж сургуулийн цагийн хуваарьт өөрчлөлт оруулж өглөөний 07:45 болон 08:15 цагт хичээл эхлүүлэх тухай санал болгосон байна.
Мэдээж сургуулийн удирдлагууд зөвшөөрсөн ч үүнийг хэрэгжүүлэхэд эцэг эх, асран хамгаалагчийн ажлын цагийн хувиар, автобусны хүрэлцээ гээд олон хүчин зүйлс нөлөөлнө гэдгийг онцлон хэлээд авч.
Энэ талаар Нийслэлийн Боловсролын газрын орлогч дарга Л.Буянтогтох хэлэхдээ “Замын хөдөлгөөнд өдөрт 100 мянган машин оролцдог. Сургуулийн автобусыг хэрэгжүүлснээр түгжрэлийг өдөрт 3-6 хувиар бууруулсан. Иймд сургуулийн цагийн хуваарьт өөрчлөлт оруулснаар түгжрэлийг бууруулахад үр дүнгээ өгнө” хэмээн хэлсэн юм. Тухайлбал, Улаанбаатар хотын Их тойруугт түгжрэл үүсгэдэг нийт 63 ерөнхий боловсролын сургууль байрладаг. Үүнээс төрийн өмчийн 27, төрийн бус өмчийн 36 сургууль үйл ажиллагаа явуулдаг бөгөөд нийт 73822 хүүхэд суралцдаг байна. Тэдний 21.6 хувь нь буюу 15958 нь хувийн унаагаар хүргүүлдэг гэсэн судалгаа гарчээ. Иймд түгжрэлийг бууруулахад сургуулийн цагийн хуваарьт өөрчлөлт оруулах шаардлагатайг Нийслэлийн боловсролын газраас ч мэдээлж байгаа аж.
Иймд түгжрэлийг бууруулахад Ерөнхий боловсролын сургуулийн хичээл эхлэх цагийг 07:45 болон 08:15 цагт эхлүүлэхээс гадна төрийн албан хаагчид болон хувийн хэвшлийн аж ахуйн нэгжүүдийн ажиллах цагийн хуваарийг уян хатан зохицуулах юм. Тодруулбал, сургуулийн цагийн хуваарьт өөрчлөлт оруулсантай холбогдуулан ажил эхлэх цаг 07:00-10:00 цаг. Ажил тарах 16:00-20:00 цаг хүртэл байх юм. Мөн сургууль, цэцэрлэгийн багш нар үнэ төлбөргүй нийтийн тээврээр зорчих гэх мэт санал санаачлагуудыг хэрэгжүүлэх юм.
Харин уг саналуудыг нийслэлийн удирдлагуудад танилцуулах юм байна.
Сурагчдын амралт эхэлснээр замын ачаалал 30 хувиар буурч байгааг замын цагдаагийн газраас мэдээллэсэн. Тэгвэл сурагчдын амралт энэ оны хоёрдугаар сарын 3-нд дуусах тул үүнээс урьдаж зарим сургуулиудын хичээл эхлэх цагийн хувиарт өөрчлөлт оруулахаар болж байгаа юм байна. Хичээл эхлэх цагийг 30 минутын зөрүүтэй болгосноор түгжрэлийг 50 хувь бууруулна хэмээн үзэж байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
