1990-ээд оны эхээр Ардчилал, эрх чөлөө гэж “орилж”, “Хонхны дууг” талбай даяар цуурайтуулсан залуусын нэгдэл бол Ардчилсан нам. Тэд хувьсгал хийж чадсан ч хувь, хувьсгалын ажлаа ялгаж чаддаггүй улс.
Нэг үе хүчтэй эрх баригч, хүчтэй сөрөг хүчин байсан бол өнөөдөр хөл толгойгоо олохгүй хөгөө чирж явна. Анх 1990 онд Ардчилсан нам үүсгэн байгуулагдахдаа олон амбицтай дарга нартай байсан гэдэг. Энэ нь 30 гаруй жил үргэлжилж хөнжил дотроо хөлөө жийлцэж ирсэн юм. Нэгдмэл байж чаддаггүй нэг нэгэндээ өс санаж ирсэн Ардчиллын сандал суудлын маргаан хоёр жил дамнаж байна. Олон түмэн битгий хэл онц их хурлаараа сонгогдсон гэх дарга нар ч өөрсдөө Ардчилсан намын жинхэнэ дарга нь хэн бэ? гэдгээ ойлгохгүй л явна. Хоёр даргатай, хоёр тамгатай Ардчилсан намыг ард иргэд үзэхээ байж, намын гишүүд нь зүхэж суух. Гэтэл гурван даргатай болж орхив.
Хэдийнээ намын даргаа өгсөн С.Эрдэнэ өнөөдрийг хүртэл дарга нь хэвээр байгаа нь хачирхалтай. Гэтэл онц их хурлаа хоёр талд хийж сонгогдсон М.Тулгат, О.Цогтгэрэл нар дарга гэх гуншинтай явах аж.
Тодруулбал, 2021 оны 03 дугаар сард Ардчилсан Намын даргыг сонгох цахим сонгууль болж, АН-ын даргад нэр дэвшигч М.Тулгат АН-ын даргаар сонгогдлоо. Гэтэл саяхан Үндэсний анхдугаар чуулган зохион байгуулахдаа С.Эрдэнэ АН-ын дарга гэж дуудуулав. 2021 оны 04 дүгээр сард Ц.Тувааны тал АН-ын ээлжит бус хурлыг зарлан О.Цогтгэрэлийг намын даргаараа сонгов. Ингэж л Ардчилсан нам гурван толгойтой болсондог.
“Чадахгүй” атал даргын суудалд “шунагсдын” цуваа хэд болж үржихыг таашгүй. Ингэж төр түмний шившиг болж олон маргааныг дагуулсаар байгаа АН улс эх орны хөгжил дэвшил, эмх цэгц, эрүүл мэндэд нэн тэргүүнд анхаарч ажиллах байтал тамга тэмдгийн араас хөөцөлдөж хэн нь хэн бэ гэдгээ харуулж явна. Улс орныг удирдах битгий хэл намаа удирдаж чадахгүй байгаа эрхмүүдийг ийм дүрд хувирган ард түмний дунд тавьж байгаа жүжиг үү? Аль эвсэл Ардчиллын Алтан хараацайнуудын арга мэх үү?
АН-ын дарга чухам хэн бэ? гэдгийг Улсын дээд шүүх эцэслэн тогтооно
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
