ЦССҮТ-ийн санаачлагаар сайн дурын, авлагагүй, цусны донорын үйлсийг сурталчлах, тэднийг алдаршуулах зорилгоор Сар бүрийн 3 “Цусаа бэлэглэх өдөр”-ийг 2015 оноос хойш 84 дахь удаагаа тэмдэглэн өнгөрүүлж байна.
Энэ өдрийн гол зорилго нь сайн дурын авлагагүй донорын эгнээг өргөжүүлэх, донорын үйлсийг сурталчилах, ард иргэд тогтмол хугацаанд цусаа бэлэглэх ач холбогдлын талаар ойлголт мэдээлэл өгөх, олон нийтийн оролцоог нэмэгдүүлэхэд оршдог.
3 дугаар сарын 3-ны Цусаа бэлэглэх өдрийг ХААИС-тай хамтран зохион байгуулж, “Дусал цус-дүүрэн амьдрал” аян үргэлжилж байгаагаараа онцлог бөгөөд ач холбогдолтой болж байна. Учир нь АШУҮИС энэ хичээлийн жилд ”Оюутны хөгжил” хөтөлбөр хэрэгжүүлж сайн эмч, мэргэжилтэн бэлтгэхийн зэрэгцээ САЙН ХҮН бэлтгэж гаргахаар зорьж, “Эх оронч оюутан” дэд хөтөлбөрийн хүрээнд хэрэгжүүлсэн “Дусал цус - Дүүрэн амьдрал” сайн дурын авлагагүй цусны донорын аяны санаачлан хэрэгжүүлж байна.
Тус аянд төрийн өмчит 6 сургууль нэгдэж, аяны цом АШУҮИС, МУИС-иар амжилттай аялан ХААИС-д шилжиж ирээд байна.
Өнөөдрийн арга хэмжээний хүрээнд 70-аас дээш удаа цус, цусны бүрэлдэхүүн хэсгээ бэлэглэсэн Хүндэт донор Т.Ган-Эрдэнэ, М.Батбаатар нарыг “Хүрэл донор”-оор өргөмжилж, цусны донор Б.Байгалмааг Бахархал 10 тэмдгээр, Б.Баярмааг Бахархал 20 тэмдгээр, Б.Уранзул Бахархал 30 тэмдгээр, Г.Түвшинбаярыг Бахархал 40 тэмдгээр, Б.Мөнхзулыг Бахархал 50 тэмдгээр тус тус шагнаж алдаршууллаа. Бахархал 20, 10 тэмдгийн эзэд донор Б.Байгалмаа, Б.Баярмаа нар нь ХААИС-ийн төлөөлөл байна.
Алдаршуулж буй ачтан доноруудад И-Монос ХХК дархлаа дэмжих хүнсний бүтээгдэхүүний багц,100.000 төгрөгний эрхийн бичиг-2,Содон фүүдс ХК гарын бэлгээр бэлэг барьлаа.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
