Өчигдөр “e-Mongolia” системийн албан ёсны фейсбүүк хуудас халдлагад өртсөн байна. Улмаар хаягийн нэр өөрчлөгдөж хэсэг хугацаанд ажиллаагүй аж. Иргэд уг албан ёсны хуудас руу хувийн мэдээллээ явуулж үйлчилгээ авдаг. Ингэснээр иргэдийн хувийн мэдээлэл алдагдахвий гэсэн сэрэмжлэл байсан. Тэгвэл нэг цагийн дараа халдлагыг зогсоож эргүүлэн авсан байна.
Цахим хөгжил, харилцаа холбооны яамнаас энэхүү халдлага нь суурь болон үндсэн системүүд рүү чиглэсэн халдлага биш зөвхөн фейсбүүк хуудасны админы түвшний халдлага юм. Иймд “e-Mongolia” системийн чат, и-мэйл, төрийн үйлчилгээний платформууд халдлагад өртөөгүй, хэвийн ажиллаж байгаа гэдгийг албан ёсоор мэдэгдэж байна гэжээ.
“e-Mongolia” систем нь иргэнд төрийн үйлчилгээг цахим орчинд гар утасны аппликейшн болон www.e-mongolia.mn веб сайтаар дамжуулан хоёр хэлбэрээр үзүүлдэг бөгөөд ингэхдээ танилт нэвтрэлтийн ДАН системийг ашиглан, иргэнийг цахим орчинд таньж, төрийн үйлчилгээг цахимаар авах боломжийг олгодог тусдаа хөгжүүлэгдсэн систем билээ.
Харин фейсбүүк хуудас нь META компанийн хөгжүүлж буй платформ бөгөөд тус платформоор дамжуулан иргэд, олон нийтэд “e-Mongolia”-н талаарх албан ёсны мэдээ, мэдээлэл, заавар, зөвлөгөөг хүргэдэг юм. “e-Mongolia” фейсбүүк хуудасны админ эрх рүү халдлага гарсан даруйд бид META компанид мэдэгдэж, шуурхай ажиллаж, фейсбүүк хуудсаа эргүүлэн авсан болно.. Энэ халдлага нь хаанаас, ямар зорилгоор гарсныг тогтоохоор тус компанитай хамтран ажиллаж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
