Өнөөдөр буюу тавдугаар сарын 08-нд “Дэлхийн хүмүүнлэгийн өдөр” тохиож байна. Монголын хүмүүнлэгийн өдрийг энэ жил “Хүмүүнлэг зүрх” уриатайгаар өнгөрүүлж байгаа. Энэ өдрийг Баян- Өлгий аймгийн Улаан загалмайн хороо нь “Хүмүүнлэг зүрх, Хүмүүнлэг Өлгийчүүд” уриан доор өнөөдөр аймгийн төв талбайд зохион байгууллаа. Уг арга хэмжээг Улаан загалмайн хорооны дарга Х.Ертай нээж үг хэлсэн бол ЗДТГ-ын дарга бөгөөд Улаан загалмайн хорооны хамтын ажиллагааны зөвлөх дарга Б.Мухамед, Улаан загалмайн сайн дурын идэвхтэн, гишүүд, дэмжигчид болон хүмүүнлэг үйлсийг дэмжигчдэд дэлхийн Хүмүүнлэгийн өдрийн баярын мэндчилгээ дэвшүүлсэн байна.
Мөн уг арга хэмжээнд Онцгой байдлын газрын орлогч дарга Ч.Цэгмэд, Хилийн 0165 дугаар ангийн захирагч Р.Эрдэнэтогтох, Шүүхийн шийдвэр гүйцэтгэх газрын дарга Н.Бат-Эрдэнэ, тус хорооны үйл ажиллагааг дэмжиж хамтран ажилладаг сайн дурын идэвхтэн, гишүүд дэмжигчид, хүүхэд залуус болон ерөнхий боловсролын сургуулиудын төлөөллүүд оролцсон байна.
Монгол улсын Засгийн газраас 2011 оноос хойш үндэсний хүмүүнлэгийн өдөр болгон тэмдэглэн өнгөрүүлэх шийдвэрлэж, Монголын Улаан загалмайн нийгэмлэг олон нийт, хүүхэд залуучуудад хүмүүнлэг үйлсийг сурталчилж ирсэн. Монголын улаан загалмай нийгэмлэг нь Олон улсын Улаан загалмай Улаан хавирган сар нийгэмлэгүүдийн холбооны 84 дэх гишүүн байгууллага юм.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
