Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд Баян-Өлгий аймагт 20 сая модыг тарьж ургуулахаар болсон бөгөөд өнгөрсөн жилээс эхлээд тарьж, арчилж, хамгаалж эхэлсэн. Энэ хүрээнд аймгийн Засаг даргын зүгээс дорвитой ажлууд зохион байгуулагдаж байгаа бөгөөд, биелэлттэй Засаг дарга баянга өөрийн биеэр газар дээр нь очиж танилцаж холбогдох албан тушаалтнуудад үүрэг даалгавар өгч ажилладаг билээ.
Энэ удаад аймгийн Засаг дарга Д.Бауыржан “Тэрбум мод” үндэсний хөдөлгөөний хүрээнд Өлгий сумын зүгээс хийгдэж буй усжуулалтын суваг, шуудуу, услалтын систем, гүүрний бүтээн байгуулалт зэрэг ажлуудтай Өлгий сумын Засаг дарга бөгөөд хотын захирагч Д.Есболаттай хамт газар дээр нь очиж танилцлаа.
Засаг дарга хамгийн түрүүнд 12-р багт байрлалтай бидний нэрлэж заншсанаар “хөх хашаа” буюу ногоон байгууламжтай хашаанд таригдсан моднуудын услалтын системийг шийдэх зорилгоор Ховд голын эрэгт 380 вольтын насосын станц барих ажлын явцтай танилцав. Насосын станцын цахилгаан шугамын асуудал шийдэгдэж шугам татагдаж дуусан байв. Одоо “хөх хашаа” буюу ногоон байгууламжтай хашаанд усны сувгийг холбох холболтын ажил явагдаж байгааг Өлгий сумын Засаг дарга бөгөөд хотын захирагч Д.Есболат танилцуулж ирэх долоо хонгийн дундуур ашиглалтад орж, услалтын ажил эхэлнэ гэж онцлоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
